پرەزيدەنت كەشەگى حالىققا ارناعان جولداۋىندا اگرو-وندىرىستە قوردالانعان ماسەلەلەردى شەشىپ، تاۋارلاردىڭ باعاسىن تۇراقتاندىرۋ بويىنشا جۇمىستاردى كۇشەيتۋدى ايتقان بولاتىن.
شىمكەنت قالاسىندا قازىرگى تاڭدا جالپى وندىرىستە تاماق ءوندىرىسىنىڭ ۇلەسى 20 پايىزدى قۇراپ وتىر. قالانىڭ مەگاپوليس بولۋىنا بايلانىستى، اۋىل شارۋاشىلىعى جەرلەرى جىل سايىن ازايۋدا، وسى سەبەپتى قالادا باسىمدىلىق – اگرو-وندىرىسكە بەرىلەتىن بولادى.
تاۋەلسىزدىكتىڭ 30 جىلدىعىنا وراي اۋىلشارۋاشىلىق ونىمدەرىن تەرەڭ وڭدەۋگە باعىتتالعان «بوزارىق» تاماق ونەركاسىبى يندۋستريالدى ايماعىن قۇرۋ جۇمىستارى جۇرگىزىلۋدە. يندۋستريالدى ايماقتى قۇرۋ ءۇشىن 132 گەكتاردام استام جەر تەلىمى قاراستىرىلىپ، بۇگىنگى تاڭدا جەر يەلەرىمەن كەلىسسوزدەر جۇرگىزۋ ناتيجەسىندە مەملەكەت مۇقتاجىنا قايتارۋ كەلىسىلدى. ايماققا ينفراقۇرىلىم تارتۋ جۇمىستارى بويىنشا تەحنيكالىق ەكونوميكالىق نەگىزدەمە دايىندالىپ، بيۋدجەتتەن قارجى قارالدى.
يندۋستريالدى ايماق ەكى كەزەڭدە ىسكە اساتىن بولادى. ءبىرىنشى كەزەڭ 2022-2023 جىلدارى جۇرگىزىلسە، ەكىنشى كەزەڭ 2023-2025 جىلدارى جۇزەگە اسىرىلادى. ماسەلەن، كەلەر جىلى بيولوگيالىق قوسپالارى بار قۇنارلى قۇراما جەم ءوندىرىسىن سالۋ جانە ءسۇت ءوندىرۋ زاۋىتىن سالۋ، جەمىس پەن كوكونىستى قايتا وڭدەيتىن جانە كونسەرۆىلەۋ سىندى كاسىپورىندار سالۋ بويىنشا 6 ينۆەستوردان ءوتىنىم تۇسكەن. ولاردىڭ جالپى قۇنى 6,7 ملرد. تەڭگەنى قۇرايدى. جاڭا 600-دەن استام جۇمىس ورنى اشىلاتىن بولادى.
جوعارىدا اتالعان قايتا وڭدەۋ كاسىپورىندارى ىسكە قوسىلعاندا ءسۇتتىڭ قايتا وڭدەۋ ۇلەسى 42 پايىزدان، 48%-عا دەيىن، جەمىس-كوكونىستىڭ قايتا وڭدەۋ ۇلەسى 6 پايىزدان، 21 پايىزعا جەتەتىن بولادى.
قاينار بۇلاق تۇرعىن الابىندا ورنالاساتىن يندۋستريالدى ايماقتا 23 ملرد. تەڭگەگە 21 جوبانى جۇزەگە اسىرۋ جوسپارلانۋدا.
شىمكەنت قالاسى اكىمدىگىنىڭ ءباسپاسوز قىزمەتى
