شىمكەنت قالاسىندا تاۋەلسىزدىكتىڭ 30 جىلدىعىنا وراي جانە وتباسى كۇنى مەرەكەسى قارساڭىندا بىرقاتار ءىس-شارالار ۇيىمداستىرىلدى. مەملەكەت باسشىسىنىڭ بۇقارالىق سپورتتى دامىتۋ تاپسىرماسى نەگىزىندە «OTBASY FEST» اتتى وتباسىلىق سايىس جاس وتباسىلارعا سەرپىن بەردى.
ا. اسقاروۆ اتىنداعى دەندروساياباقتا «رۋحاني قوعام الەمى» قورىمەن بىرلەسىپ وتكەن ءىس-شاراعا 10 وتباسى قاتىسىپ، باقتارىن سىنادى. جارىستا ءبىرىنشى ورىن العان نيازاليەۆتەر وتباسىنا تەلەديدار بەرىلدى. ءىس-شاراعا بەلسەنە قاتىسقان ون وتباسى العىس حاتتارمەن جانە دەمەۋشىلەر ەسەبىنەن ءتۇرلى سىيلىقتارمەن ماراپاتتالدى.
قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ قولداۋىمەن «SHANYRAQ» ورتالىعىندا وتكەن ارنايى ءىس-شارالاردا كوپبالالى انالار قۋانىشقا كەنەلىپ، ەڭبەكتەرى ەلەندى.
«ىزگىلىكتە جارىسايىق» قورىمەن بىرلەسكەن «وتباسىنداعى بالا تاربيەسى» تاقىرىبىندا ارنايى پسيحولوگيالىق ترەنينگ جانە «وتباسى – وتان تىرەگى» اتتى ءىس-شارا وتكىزىلدى.
اتالعان جيىنعا شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا، قالالىق ءماسليحات دەپۋتاتى ن.كەرىمباەۆا قاتىسىپ، باتىر انالارعا ەلىمىزدىڭ دەموگرافياسىنا قوسقان ۇلەستەرى ءۇشىن ريزاشىلىعىن ءبىلدىردى.
11 بالانىڭ اناسى ق.داريباەۆا، 10 بالالى انا ج.ەگەمبەرديەۆا جانە 12-ءشى پەرزەنتىن دۇنيەگە اكەلۋگە دايىندالىپ جۇرگەن ج.ءالجانوۆالار ءسوز سويلەپ، ءوز قۋانىشتارىمەن ءبولىستى.
سونداي-اق، پەرزەنتتەرىن جالعىز تاربيەلەپ جۇرگەن 2 اكە دە وسىنداي قۋانىشتى كۇن سىيلاعان ۇيىمداستىرۋشىلارعا ريزاشىلىقتارىن جەتكىزدى.
شىمكەنت قالاسى اكىمدىگىنىڭ ءباسپاسوز قىزمەتى
