الماتى وبلىسى اكىمشىلىك ورتالىعىنىڭ تالدىقورعان قالاسىنا كوشىپ كەلگەنىنە 20 جىل تولۋىنا ارنالعان پلەنەر ءوتتى

510

جاستار ساياباعىندا، تۋتۇعىر جانىندا 85 سۋرەتشىنىڭ قاتىسۋىمەن پلەنەر ءوتتى. ولاردىڭ اراسىندا كاسىبي ماماندار، اۋەسقويلار، سونداي-اق ستۋدەنتتەر، وقۋشىلار جانە كوركەمونەر مەكتەپتەرىنىڭ وقۋشىلارى اتىنان جاڭا باستاعان سۋرەتشىلەر بار.

نەگىزگى مىندەت - قالانىڭ كورىكتى جەرلەرىنىڭ ءبىرىن سالۋ جانە سۇيىكتى قالانىڭ اسەمدىگى مەن سۇلۋلىعىن قىلقالامنىڭ كومەگىمەن جەتكىزۋ.
"20 جىل ىشىندە ءبىزدىڭ وبلىس ورتالىعى تانىماستاي وزگەردى. كوپتەگەن بىرەگەي ساۋلەت قۇرىلىستارى سالىندى. ءبىز تالدىقورعان قالاسىنىڭ كورىكتى جەرلەرىن كاسىبي جانە جاڭادان باستاعان سۋرەتشىلەردىڭ كوزىمەن كورسەتكىمىز كەلەدى. ال 22 قىركۇيەكتە قورىتىندى شىعارىپ، قۇراما كورمەنى ۇيىمداستىرۋدى جوسپارلاپ وتىرمىز", - دەپ اتاپ ءوتتى الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى مارلەن كولباەۆ.

ءىس-شاراعا قاتىسۋشىلار سۋرەت سالۋداعى كوركەمدىك ستيلدەردىڭ الۋان تۇرلىلىگىن كورسەتتى.
ء"بىزدىڭ تالدىقورعان وسى جىلدار ىشىندە كەرەمەت ەستەتيكالىق كەلبەتكە يە بولدى. سۇيىكتى قالانىڭ سۇلۋلىعىن بەينەلەۋ ءبىز ءۇشىن ۇلكەن قۋانىش. بۇگىنگى جۇمىسىم ءۇشىن مەن ورتالىق الاڭدا ورنالاسقان تايقازان تۇرىندەگى سۋبۇرقاقتى تاڭدادىم. مەن ۇلتتىق ەلەمەنتتەردىڭ زاماناۋي ساۋلەتىمەن ۇيلەسىمىن كورسەتكىم كەلەدى", - دەدى قازاقستان سۋرەتشىلەر وداعىنىڭ مۇشەسى ەسەت داۋرەنباەۆ.
مۇنداي پلەنەر بولاشاق كاسىبي سۋرەتشىلەر ءۇشىن ۇلكەن ماڭىزعا يە. بۇل بەينەلەۋ ونەرىنىڭ قىر-سىرىن جەتىك مەڭگەرگەن تاجريبەلى سۋرەتشىلەردەن تىكەلەي ساباق الۋعا مۇمكىندىك بەردى.

"مەن سۋرەت سالعاندى ۇناتامىن. سۋرەت سالۋ ۇيىرمەسىنە بەسىنشى جىل قاتىسىپ كەلەمىن. بۇگىنگى بايقاۋ ءۇشىن ءبىزدىڭ ادەمى جاڭا تەاتر تاڭدادىم. مەن ول جاققا ءجيى بارامىن. مەن ءۇشىن بۇل ەڭ ەرەكشە عيمارات. ءوز سۋرەتتەرىمدە ونىڭ سۇلۋلىعىن قايتالاۋعا تىرىسامىن جانە مەنىڭ جۇمىسىم بارشاعا ۇنايدى دەپ ۇمىتتەنەمىن", – دەيدى پلەنەرگە قاتىسۋشى 11 جاسار كوركەم قايراتقىزى.

پىكىرلەر
رەداكتسيا تاڭداۋى