Covid-19 پاندەمياسى كەزىندە زيان شەككەن ستۋدەنتتەردىڭ بولاشاقتا الاتىن تابىسى 2,9% قىسقارۋى مۇمكىن دەپ حابارلايدى "ادىرنا" ۇلتتىق پورتالى "informburo.kz-كە" سىلتەمە جاساپ.
"ەردو" اق ديرەكتورى الەكساندرا مولچانوۆسكايانىڭ ايتۋىنشا، بۇل جاعداي ستۋدەنتتەردىڭ لوكداۋن كەزىندە ونلاين فورماتتا ءبىلىم الىپ، كوپتەگەن اقپاراتتىڭ قولجەتىمسىز بولۋىمەن بايلانىستى.
"الداعى ۋاقىتتا 85 ميلليون جۇمىس ورنى ارنايى ماماندار كومەگىمەن اۆتوماتتاندىرىلاتىن بولادى. بۇل اۆتوماتتاندىرۋ پروتسەسى وڭدەۋ، كولىك جانە بانك قىزمەتىنە بايلانىستى. بۇگىنگى تاڭدا قاراپايىم بانكومات پەن ۇيالى تەلەفون بانك وپەراتورىنىڭ مىندەتىن الىپ وتىر. ماماندار سانىنا قاتىستى قىسقارۋ بولادى دەسەك تە، جاڭادان قۇرىلاتىن جۇمىس ورىندارىنىڭ سانى ولاردان دا كوپ بولادى. بىراق بۇرىنعى جۇمىستارعا قاراعاندا الدەقايدا قيىن. ويتكەنى، قىزمەتكەردەن باسقا داعدىلار تالاپ ەتىلەدى. جالپى سۇرانىسقا يە مامان بولۋ ءۇشىن ۇزدىكسىز ءبىلىم الۋعا دايىن بولۋ قاجەت. ءتىپتى، ءومىر بويى ءبىلىم الۋعا دەسەك تە بولادى. ال كەيبىرەۋىنىڭ ماماندىعىن تۇبەگەيلى اۋىستىرۋىنا تۋرا كەلەدى", – دەدى الەكساندرا مولچانوۆسكايا.
ءارى قاراي ورتالىق ديرەكتورى الەمدە جانە قازاقستاندا جاستار سانىنىڭ ارتىپ كەلە جاتقانىنا توقتالدى.
"قازىرگى داعدارىس جاعدايىندا جاستار جاعى پاندەميانىڭ تارالۋىنا قارسى شەكتەۋ شارالارى، وقۋ، وقىتۋدىڭ جاڭا فورماتىنا بەيىمدەلۋ جəنە ءبىلىم بەرۋ رەسۋرستارىنا قولجەتىمدىلىك تۇرعىسىنان ۇلكەن قيىندىقتارعا تاپ بولدى. ولارعا قاتىستى "لوكداۋن ۇرپاعى" دەگەن حالىقارالىق ۇعىم پايدا بولدى. پاندەميا كەزىندە جاستاردىڭ الدىنان شىققان قيىندىقتار بولاشاقتا ولاردىڭ ەڭبەك نارىعىندا جۇمىسقا ورنالاسۋ مۇمكىندىكتەرىن شەكتەۋى مۇمكىن. دۇنيەجۇزىلىك بانكتىڭ باعالاۋى بويىنشا، بولاشاقتا قازاقستاندا Covid-19 پاندەمياسىنان زيان شەككەن ستۋدەنتتەردىڭ كىرىسى شامامەن 2,9 پايىزعا قىسقارادى. بۇل 1,9 ميلليارد اقش دوللارى كولەمىندە جالپى جىلدىق ەكونوميكالىق شىعىندارعا الىپ كەلەدى", – دەدى الەكساندرا مولچانوۆسكايا.
"ادىرنا" ۇلتتىق پورتالى.
