Kaznet جالعان حابارلامالاردى بەلسەندى تۇردە تاراتۋدى جالعاستىرۋدا، دەپ حابارلايدى "ادىرنا" ۇلتتىق پورتالى.
بۇل جولى الەۋمەتتىك جەلىلەردە مەكتەپ وقۋشىلارىنا لگبت وكىلدەرىنىڭ ورىس ءتىلى ساباعى كەزىندەگى قۇقىقتارى تۋرالى ايتىلىپ، ءبىر جىنىستى اتا-انالاردىڭ تاربيەسىندە بولعان بالالارعا ۇگىتتەلگەنى تۋرالى اقپارات تارالۋدا. مۇنداي ساباقتار وسكەمەندەگى مەكتەپتەردىڭ بىرىندە وتكىزىلدى دەگەن بولجام ايتىلدى.
اتا-انانىڭ جولدانعان حاتىندا:
"سالەمەتسىز بە! سىزبەن قالاي بايلانىسقا شىقسا بولادى؟ مەن وسكەمەن قالاسىنانمىن. مەنىڭ ەسىمىم مەرۋەرت جانە مەن 8-سىنىپ وقۋشىسىنىڭ اناسىمىن. بالامنىڭ ورىس ءتىلى ءپانىنىڭ ساباعىندا، 2 ساباق قاتارىنان بالالارعا جىنىستىق تەڭدىك تۋرالى ساباق ءتۇسىندىرىلىپتى. شۆەتسيا ەلىن مىسالعا كەلتىرىپ ول جاقتا ءبىر وتباسىدا ەكى اكە بولاتىنى تۋرالى ايتىلعان. ول بالالارعا دۇرىس، ياعني قالىپتى جاعداي رەتىندە تۇسىندىرىلگەن. مەن ارىز جازعىم كەلەدى. بىراق قالاي دۇرىس جازارىمدى بىلمەي تۇرمىن", دەلىنگەن.
Stopfake.kz سايتىندا ايتىلعانداي، قر ءبىلىم جانە عىلىم مينيسترلىگى بۇل فاكتى بويىنشا قىزمەتتىك تەكسەرۋ جۇرگىزدى.
وقۋ ماتەريالىنىڭ مازمۇنى «وتباسى: قۇقىقتار مەن مىندەتتەر» بولىمىنە سايكەس تاڭدالادى. لگبت قاۋىمداستىعى وكىلدەرىنىڭ قۇقىقتارى بۇل ساباقتىڭ مازمۇنىنا كىرمەيدى. اتا-انا بەرگەن اقپارات شىندىققا سايكەس كەلمەيدى، - دەلىنگەن دەپارتامەنتتىڭ جاۋابىندا.
"ادىرنا" ۇلتتىق پورتالى
