Kaznet jalǧan habarlamalardy belsendı türde taratudy jalǧastyruda, dep habarlaidy "Adyrna" ūlttyq portaly.
Būl joly äleumettık jelılerde mektep oquşylaryna LGBT ökılderınıŋ orys tılı sabaǧy kezındegı qūqyqtary turaly aitylyp, bır jynysty ata-analardyŋ tärbiesınde bolǧan balalarǧa ügıttelgenı turaly aqparat taraluda. Mūndai sabaqtar Öskemendegı mektepterdıŋ bırınde ötkızıldı degen boljam aityldy.
Ata-ananyŋ joldanǧan hatynda:
Ata-ananyŋ joldanǧan hatynda:
"Sälemetsız be! Sızben qalai bailanysqa şyqsa bolady? Men Öskemen qalasynanmyn. Menıŋ esımım Meruert jäne men 8-synyp oquşysynyŋ anasymyn. Balamnyŋ orys tılı pänınıŋ sabaǧynda, 2 sabaq qatarynan balalarǧa jynystyq teŋdık turaly sabaq tüsındırılıptı. Şvesiia elın mysalǧa keltırıp ol jaqta bır otbasyda ekı äke bolatyny turaly aitylǧan. Ol balalarǧa dūrys, iaǧni qalypty jaǧdai retınde tüsındırılgen. Men aryz jazǧym keledı. Bıraq qalai dūrys jazarymdy bılmei tūrmyn", delıngen.Stopfake.kz saitynda aitylǧandai, QR Bılım jäne ǧylym ministrlıgı būl faktı boiynşa qyzmettık tekseru jürgızdı.
Oqu materialynyŋ mazmūny «Otbasy: qūqyqtar men mındetter» bölımıne säikes taŋdalady. LGBT qauymdastyǧy ökılderınıŋ qūqyqtary būl sabaqtyŋ mazmūnyna kırmeidı. Ata-ana bergen aqparat şyndyqqa säikes kelmeidı, - delıngen departamenttıŋ jauabynda.
"Adyrna" ūlttyq portaly
Ūqsas jaŋalyqtar
