بيىل اشىلعان مەكتەپتەر تسيكلى: «ADAN» مەكتەبى

3613
Adyrna.kz Telegram

شىمكەنتتە جاڭا وقۋ جىلىن 203 مەكتەپ ءداستۇرلى وقۋ فورماتىمەن جۇمىسىن باستادى. مەكتەپتەر بيىل 234 مىڭعا جۋىق وقۋشىنى قامتىپ وتىر. 25 مىڭ بالا مەكتەپكە العاش رەت باردى. مەگاپوليس تۇرعىندارىنىڭ تورتتەن ءبىرى – مەكتەپ جاسىنداعى بالالار. بۇل ءوسىم پوتەنتسيالى جوعارى قالا دەگەندى بىلدىرسە، مەكتەپتەر سانىن كوبەيتۋگە قاجەتتىلىك بار دەگەندى ۇعىندىرادى.

مەملەكەت باسشىسىنىڭ اپاتتى جانە ءۇش اۋىسىمدى مەكتەپتەردى ازايتۋ جونىندەگى تاپسىرماسىنا سايكەس قالادا مەكتەپتەر سالۋدىڭ جاڭا جوباسى قولعا الىنعان.
تاۋەلسىزدىكتىڭ 30 جىلدىعى قارساڭىندا اشىلعان ءبىلىم مەكەمەلەرىنىڭ قاتارىندا «ADAN» مەكتەبى دە بار. ءبىلىم بەرۋ ۇيىمى 600 بالاعا لايىقتالعان. قازىر مۇندا 399 وقۋشىعا جوعارى بىلىكتى 31 پەداگوگ ءبىلىم بەرۋدە. ازىرگە تەك باستاۋىش سىنىپتارى قازاق جانە ورىس تىلدەرىندە وقۋدا.
بالالار ۇزارتىلعان كۇن تارتىبىندە 3 مەزگىل ىستىق تاماقپەن قامتىلسا، قاۋىپسىزدىك ءۇشىن تاسىمال قىزمەتىنە ارنايى كولىك قاراستىرىلعان. وقۋشىلاردىڭ جان-جانتى دامۋى ءۇشىن اعىلشىن ءتىلى، بي، ۆوكال، شاحمات، كىشى فۋتبول ۇيىرمەلەرى دە بار.
ءبىلىم ۇياسىندا 24 سىنىپتىق كابينەت جانە 7 قوسىمشا سىنىپ وقۋ جابدىقتارىمەن قامتىلعان، اكت جانە سپورت زالدارى، سىرتتا جابىق كىشى فۋتبول الاڭى، مەديتسينالىق بەكەت جانە اسحانا بولمەلەرى بار. قوسىمشا ساباقتارعا ارنالعان 7 سىنىپ تاعى بار.
بيىل ءۇش اۋىسىمدى مەكتەپتەر سانى 14-تەن 9-عا تومەندەدى. ءپان كابينەتتەرىنىڭ جابدىقتالۋى 32,5 پايىزدان 65 پايىزعا جەتتى.

پىكىرلەر