Shymkentte jańa oqý jylyn 203 mektep dástúrli oqý formatymen jumysyn bastady. Mektepter bıyl 234 myńǵa jýyq oqýshyny qamtyp otyr. 25 myń bala mektepke alǵash ret bardy. Megapolıs turǵyndarynyń tórtten biri – mektep jasyndaǵy balalar. Bul ósim potenıaly joǵary qala degendi bildirse, mektepter sanyn kóbeıtýge qajettilik bar degendi uǵyndyrady.
Memleket basshysynyń apatty jáne úsh aýysymdy mektepterdi azaıtý jónindegi tapsyrmasyna sáıkes qalada mektepter salýdyń jańa jobasy qolǵa alynǵan.
Táýelsizdiktiń 30 jyldyǵy qarsańynda ashylǵan bilim mekemeleriniń qatarynda «ADAN» mektebi de bar. Bilim berý uıymy 600 balaǵa laıyqtalǵan. Qazir munda 399 oqýshyǵa joǵary bilikti 31 pedagog bilim berýde. Ázirge tek bastaýysh synyptary qazaq jáne orys tilderinde oqýda.
Balalar uzartylǵan kún tártibinde 3 mezgil ystyq tamaqpen qamtylsa, qaýipsizdik úshin tasymal qyzmetine arnaıy kólik qarastyrylǵan. Oqýshylardyń jan-janty damýy úshin aǵylshyn tili, bı, vokal, shahmat, kishi fýtbol úıirmeleri de bar.
Bilim uıasynda 24 synyptyq kabınet jáne 7 qosymsha synyp oqý jabdyqtarymen qamtylǵan, akt jáne sport zaldary, syrtta jabyq kishi fýtbol alańy, medıınalyq beket jáne ashana bólmeleri bar. Qosymsha sabaqtarǵa arnalǵan 7 synyp taǵy bar.
Bıyl úsh aýysymdy mektepter sany 14-ten 9-ǵa tómendedi. Pán kabınetteriniń jabdyqtalýy 32,5 paıyzdan 65 paıyzǵa jetti.
