امەريكالىق اسكەرلەر اقش پرەزيدەنتى دجو بايدەننىڭ بيلىگى اياقتالعانعا دەيىن سيريادان كەتەدى، دەپ حابارلايدى "ادىرنا" ۇلتتىق پورتالى. بۇل تۋرالى Lenta.ru سايتىنا رەسەي حالىقارالىق ىستەر جونىندەگى كەڭەس ساراپشىسى الەكسەي ناۋموۆ ايتتى.
مامان اقش سيرياداعى مۇددەلەرىن اسكەري ەمەس، ديپلوماتيالىق قۇرالدارمەن قورعاي باستايتىنىنا سەنىم ءبىلدىردى. «يسلام مەملەكەتى» (قازاقستاندا تىيىم سالىنعان ۇيىم) لاڭكەستەرىنە قارسىلىق تەك ۇشقىشسىز ۇشاتىن اپپارات سوققىلارىمەن جانە جەكەلەگەن سودىرلاردى تۇتقىنداۋمەن شەكتەلەتىن بولادى. ناۋموۆتىڭ ايتۋىنشا، اقش قازىردىڭ وزىندە باشار اساد رەجيمىن وقشاۋلاۋدى قالامايدى.
ونىڭ پايىمداۋىنشا، قازىرگى كونتينگەنت اقش -قا سيرياداعى بىرنەشە تاپسىرمانى بىردەن شەشۋگە مۇمكىندىك بەرەدى. ول سيريا-يراك شەكاراسىنداعى جاعدايدى باقىلاۋدا ۇستايدى، كۇردتەرگە قولداۋعا كومەكتەسەدى، «يسلام مەملەكەتى» مەن يرانشىل كۇشتەردىڭ ورنالاسۋىنا جول بەرمەيدى. اقش اقىرىندا اسادقا "كۇردتەر باسىپ العان مۇنايعا باي اۋماقتى تۇپكىلىكتى يەمدەنۋگە" رۇقسات بەرمەيدى.
10 تامىزدا اقش قورعانىس ءمينيسترىنىڭ تاياۋ شىعىس بويىنشا كومەكشىسىنىڭ ورىنباسارى دانا ستروۋل اقش اسكەرلەرى سيريانىڭ سولتۇستىك -شىعىسىندا قالۋى كەرەك دەپ مالىمدەدى. ونىڭ ايتۋىنشا، يم -مەن كۇرەسۋدە وداقتاستارعا كومەكتەسۋ قاجەت. سونداي-اق، ستروۋل اقش-تىڭ قاتىسۋىنىڭ گۋمانيتارلىق اسپەكتىسىن اتاپ ءوتتى.
"ادىرنا" ۇلتتىق پورتالى
