فرانتسيا پرەزيدەنتى ەممانۋەل ماكرون ەلدىڭ قارۋلى كۇشتەرىن قولداۋ ءۇشىن جاس ەرىكتىلەردى جۇمىلدىرۋعا ارنالعان باستامانى جاريالادى. بۇل تۋرالى ول 20 قاڭتاردا قارۋلى كۇشتەردىڭ وكىلدەرى الدىندا سويلەگەن سوزىندە ايتتى، دەپ حابارلايدى “ادىرنا” ۇلتتىق پورتالى.
ءوز سوزىندە ماكرون فرانتسيانىڭ قورعانىسقا دەگەن ستراتەگيالىق كوزقاراسىن قايتا قاراۋ قاجەتتىگىن اتاپ ءوتتى.
ء"بىزدىڭ تاعدىرىمىز – تۇتىنۋشى بولۋ ەمەس، ەۋروپادا سۋۆەرەنيتەتكە يە ەلدەر بولۋ،" - دەپ باسا ايتتى ماكرون.
ماكرون ۋكرايناعا كومەكتەسۋدىڭ ماڭىزدىلىعىن اتاپ ءوتىپ، ونىڭ قازىرگى قاقتىعىستان عانا ەمەس، بولاشاق كەلىسسوزدەرگە كۇشتى پوزيتسيامەن كىرۋىن قامتاماسىز ەتۋ كەرەگىن ايتتى. پرەزيدەنت اسكەري قيمىلدار اياقتالعاننان كەيىن ۋكراينا مەن ەۋروپانىڭ وزىنە دە قاۋىپسىزدىك كەپىلدىكتەرىن قۇرۋ قاجەت بولاتىنىن دا اتاپ ءوتتى.
ماكرون جاس ەرىكتىلەردى تارتۋ ارقىلى فرانتسۋز قارۋلى كۇشتەرىن كۇشەيتۋ قاجەتتىگىن مالىمدەدى. ول ۇكىمەت پەن قارۋلى كۇشتەر شتابىنا مامىر ايىنا دەيىن ناقتى ۇسىنىستار دايىنداۋدى تاپسىردى.
