رەسەي سىرتقى ىستەر مينيسترلىگى ەلدىڭ ورتاشا جانە كىشى قاشىقتىقتاعى راكەتالاردى ورنالاستىرۋعا قاتىستى وزىنە العان ءموراتوريدى توقتاتاتىنىن مالىمدەدى. بۇل شەشىم، باتىس ەلدەرىنىڭ، اسىرەسە ناتو مۇشەلەرىنىڭ رەسەيگە قارسى جۇرگىزگەن ساياساتىنىڭ ناتيجەسى بولماق. بۇل تۋرالى رەسەي قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆ اتاپ ءوتتى، دەپ حابارلايدى “ادىرنا”.
ماسكەۋ بۇل قادامدى قابىلداي وتىرىپ، جاڭا قاۋىپ-قاتەرلەر مەن حالىقارالىق قاتىناستارداعى تەرەڭ وزگەرىستەرگە دايىن ەكەندىگىن كورسەتەدى.
«رەسەي سىرتقى ىستەر مينيسترلىگىنىڭ ورتاشا جانە كىشى قاشىقتىققا ارنالعان راكەتالاردى ورنالاستىرۋ ءموراتوريىن الىپ تاستاۋى – ناتو ەلدەرىنىڭ رەسەيگە قارسى جۇرگىزگەن ساياساتىنىڭ ناتيجەسى. بۇل جاڭا شىندىق، ونىمەن بارلىق قارسىلاستارىمىز ەسەپتەسۋ كەرەك. كەلەسى قادامدار كۇتىڭىزدەر»، – دەپ جازدى ول X جەلىسىندە.
سونىمەن قاتار، مەدۆەدەۆ ماسكەۋدىڭ الداعى قادامدارى تۋرالى دا حابارلادى. 4 تامىزدا رەسەي سىرتقى ىستەر مينيسترلىگى رەسەي ەندى ورتاشا جانە كىشى قاشىقتىقتاعى راكەتالاردى ورنالاستىرۋعا قاتىستى وزىنە العان شەكتەۋلەردى ساقتامايتىنىن مالىمدەدى. بۇل ءموراتوريدى ساقتاۋ ءۇشىن جاعدايلار جوعالدى.
ايتا كەتەيىك، اقش پرەزيدەنتى دونالد ترامپ رەسەيگە شەكارالاس ستراتەگيالىق ماڭىزدى وڭىرلەرگە 2 يادرولىق سۇڭگۋىر قايىقتى جىبەرۋگە بۇيرىق بەرگەنىن مالىمدەگەن ەدى.
بۇل شەشىم رەسەي قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆتىڭ يادرولىق سيپاتتاعى مالىمدەمەلەرىنەن كەيىن قابىلدانعان.
