شىمكەنتتە ساپالى ينتەرنەتپەن قامتۋ جۇمىستارى جالعاسۋدا

2441
Adyrna.kz Telegram

ءۇشىنشى مەگاپوليستە ينتەرنەتتىڭ قولجەتىمدىلىگىن ارتتىرۋ باعىتىنداعى جۇمىس قارقىن العان. ونىڭ ىشىندە ءموبيلدى جانە وپتيكالىق-تالشىقتى ينتەرنەتتىڭ تارالۋ اياسىن كەڭەيتۋ جۇمىستارى دا بار. بۇل تۋرالى قالالىق اكىمدىكتىڭ اقپاراتتىق-كوممۋنيكاتسيا ورتالىعىندا وتكەن ءباسپاسوز بريفينگىندە قالالىق تسيفرلاندىرۋ باسقارماسىنىڭ باسشىسى اسەت ءابدىراحانوۆ مالىمدەدى.

قالا اۋماعىنداعى ينتەرنەت ساپاسى تومەن 30 تۇرعىن الاپ انىقتالىپ، وپتيكا تارتۋ جۇمىستارى جۇرگىزىلۋدە. وسى رەتتە نۇرتاس، تاسساي، تاسكەن، پاحتاكور شاعىن اۋداندارىنداعى 4 كوشەگە كابەل جۇرگىزىلىپ، ينتەرنەتكە قوسىلدى. ال اقجايىق  جانە دوستىق شاعىن اۋدانىنا تالشىقتى وپتيكا جەلىسى تولىق 100% جۇرگىزىلدى. سونىمەن قاتار، جەكە ينۆەستور «Fishnet» جشس-مەن كەلىسسوزدەر جۇرگىزۋ ناتيجەسىندە ينۆەستور ەسەبىنەن 2021–2023 جىلدارى شالعاي ورنالاسقان ەلدى مەكەندەردى ساپالى ينتەرنەتپەن قامتۋعا قارجى قاراستىرىلىپ وتىر. ناتيجەسىندە، 80 000 ءۇي ساپالى ينتەرنەت جەلىسىمەن قامتىلادى،– دەدى باسقارما باسشىسى.

اسەت ءابدىراحانوۆ – شىمكەنت قالالىق تسيفرلاندىرۋ باسقارماسىنىڭ باسشىسى

وڭىرارالىق بايلانىس ينسپەكتسياسى ءوز قۇزىرەتى شەڭبەرىندە بايلانىس سالاسىنداعى مەملەكەتتىك باقىلاۋدى جۇزەگە اسىرادى. بۇل رەتتە زاڭنامانى بۇزعانى ءۇشىن بايلانىس وپەراتورلارىن جاۋاپكەرشىلىككە تارتادى. ينسپەكتسيا قىزمەتىنىڭ ماڭىزدى باعىتتارىنىڭ ءبىرى – بايلانىس قىزمەتكەرلەرىنىڭ ساپاسىن باقىلاۋ، – دەيدى ەرجان داۋلەتۇلى.

ەرجانتوقتاعۇلوۆ - قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تەلەكوممۋنيكاتسيالار كوميتەتىنىڭ شىمكەنت قالاسى بويىنشا وڭىرارالىق بايلانىس ينسپەكتسياسىنىڭ باسشىسى

ايتا كەتەيىك، باسقارما وڭىرارالىق بايلانىس ينسپەكتسياسىمەن بىرلەسىپ قالا اۋماعىنداعى 45 ەلدى مەكەن مەن شاعىن اۋداندارعا ارنايى قۇرىلعىلارمەن بايلانىس ساپاسىن تەكسەرۋ جۇمىستارىن جۇرگىزگەن. ناتيجەسىندە، اباي اۋدانىنا قاراستى 3-مولتەكاۋدان، اگروفەرما قاراسۋ، ءال-فارابي اۋدانىنا قاراستى قازىبەك بي 15 جانە قاراتاۋ اۋدانىنان قاراستى نۇرتاس مولتەك اۋدانى كۇلاگەر كوشەسى 255 مەكەنجايلارىندا ينتەرنەت ساپاسى تالاپقا ساي بولماۋىنا بايلانىستى ايىپپۇل سالىنعان.

پىكىرلەر