Şymkentte sapaly internetpen qamtu jūmystary jalǧasuda

Üşınşı megapoliste internettıŋ qoljetımdılıgın arttyru baǧytyndaǧy jūmys qarqyn alǧan. Onyŋ ışınde mobildı jäne optikalyq-talşyqty internettıŋ taralu aiasyn keŋeitu jūmystary da bar. Būl turaly qalalyq äkımdıktıŋ aqparattyq-kommunikasiia ortalyǧynda ötken baspasöz brifingınde qalalyq sifrlandyru basqarmasynyŋ basşysy Äset Äbdırahanov mälımdedı. Qala aumaǧyndaǧy internet sapasy tömen 30 tūrǧyn alap anyqtalyp, optika tartu jūmystary jürgızılude. Osy rette Nūrtas, Tassai, Tasken, Pahtakor şaǧyn audandaryndaǧy 4 köşege kabel jürgızılıp, internetke qosyldy. Al Aqjaiyq  jäne Dostyq şaǧyn audanyna talşyqty optika jelısı tolyq 100% jürgızıldı. Sonymen qatar, jeke investor «Fishnet» JŞS-men kelıssözder jürgızu nätijesınde investor esebınen 2021–2023 jyldary şalǧai ornalasqan eldı mekenderdı sapaly internetpen qamtuǧa qarjy qarastyrylyp otyr. Nätijesınde, 80 000 üi sapaly internet jelısımen qamtylady,– dedı basqarma basşysy. Äset Äbdırahanov – Şymkent qalalyq sifrlandyru basqarmasynyŋ basşysy Öŋıraralyq bailanys inspeksiiasy öz qūzyretı şeŋberınde bailanys salasyndaǧy memlekettık baqylaudy jüzege asyrady. Būl rette zaŋnamany būzǧany üşın bailanys operatorlaryn jauapkerşılıkke tartady. İnspeksiia qyzmetınıŋ maŋyzdy baǧyttarynyŋ bırı – bailanys qyzmetkerlerınıŋ sapasyn baqylau, – deidı Erjan Däuletūly. ErjanToqtaǧūlov - QR Sifrlyq damu, innovasiialar jäne aeroǧaryş önerkäsıbı ministrlıgı telekommunikasiialar komitetınıŋ Şymkent qalasy boiynşa öŋıraralyq bailanys inspeksiiasynyŋ basşysy Aita keteiık, basqarma öŋıraralyq bailanys inspeksiiasymen bırlesıp qala aumaǧyndaǧy 45 eldı meken men şaǧyn audandarǧa arnaiy qūrylǧylarmen bailanys sapasyn tekseru jūmystaryn jürgızgen. Nätijesınde, Abai audanyna qarasty 3-möltekaudan, Agroferma Qarasu, Äl-Farabi audanyna qarasty Qazybek bi 15 jäne Qaratau audanynan qarasty Nūrtas möltek audany Kūlager köşesı 255 mekenjailarynda internet sapasy talapqa sai bolmauyna bailanysty aiyppūl salynǧan.