مەملەكەت باسشىسىنىڭ بۇقارالىق سپورتتى دامىتۋ، بالالارعا سپورتتىق ينفراقۇرىلىمنىڭ قولجەتىمدى بولۋىن قامتاماسىز ەتۋ تاپسىرماسى بويىنشا بيىل شىمكەنت قالاسىندا 115 سپورت الاڭشاسىن ىسكە قوسۋ جوسپارلانعان. زاماناۋي سپورتتىق نىساندار قالا ورتالىعىنان شالعايدا جاتقان تۇرعىن الاپتار مەن شاعىن اۋداندارعا ورنالاستىرىلماق.
كەشەندى جوسپار اياسىندا بۇگىنگە دەيىن 14 الاڭشا اشىلىپ، ەل يگىلىگىنە بەرىلدى. ستاندارتتارعا سايكەس سالىنعان الاڭشالار ستريت ۆوركاۋت جاتتىعۋ كەشەنىمەن، فۋتبول، ۆولەيبول، بەسكەتبول سپورت تۇرلەرىنە ارنالعان الاڭشالارمەن قامتىلعان. سپورتتىق ينفراقۇرىلىمدى قالىپتاستىرۋعا بيزنەس وكىلدەرى دە جۇمىلدىرىلىپ، مەملەكەتتىك-جەكەمەنشىك ارىپتەستىك وڭ ناتيجە بەرۋدە.
شىمكەنت قالاسىنىڭ بەس جىلدىق دامۋ جوسپارىندا ادامي كاپيتالدى ارتتىرۋ مىندەتى بەلگىلەنگەن. بۇقارالىق سپورتتى دامىتۋ ارقىلى تۇرعىنداردى سالاۋاتتى ومىرگە بەيىمدەۋ، ولاردىڭ ءومىر جاسىن ۇزارتۋ، جاستاردىڭ بوس ۋاقىتىن ءتيىمدى ۇيىمداستىرىپ، سپورت ساڭلاقتارىن تاربيەلەۋ مىندەتتەرى ايقىندالعان. مەگاپوليستىڭ زاماناۋي سپورتتىق ورتالىق رەتىندە دامۋى قالا باسشىلىعىنىڭ تۇراقتى باقىلاۋىنا الىنعان.
