اقپاراتتىق-كوممۋنيكاتسيالىق ورتالىعىندا شىمكەنت قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ەرجان جولداسوۆتىڭ قاتىسۋىمەن بريفينگ ءوتتى. ءباسپاسوز ءماسليحاتىندا باسقارما تاراپىنان جىل باسىنان بەرى اتقارىلعان جۇمىستاردى باياندادى.
بۇگىندە قۇرىلىس-جوندەۋ جۇمىستارىمەن 182 نىسان قامتىلعان. جىل قورىتىندىسىمەن 169 نىسان پايدالانۋعا بەرىلەدى. شىمكەنت قالاسىنىڭ باس جوسپارىنا سايكەس قازىرگى تاڭدا رىسقۇلوۆ-قوناەۆ كوشەلەرىنىڭ قيىلىسىنداعى جولايرىعىن سالۋ جۇمىستارى جۇرگىزىلۋدە. قۇرىلىس جۇمىستارىن تولىعىمەن اياقتاۋ مەرزىمى 2021 جىلدىڭ جەلتوقسان ايىنا، ال قوناەۆ داڭعىلىن توننەل ارقىلى كولىكتەردىڭ قوزعالىسىنا اشۋ وسى جىلدىڭ 1 قازانىنا دەيىن جوسپارلانىپ وتىر، – دەدى باسقارما باسشىسى.
ەرجان جولداسوۆ - شىمكەنت قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى
ا-2 اينالما جولىنىڭ قۇرىلىس مەرزىمى 2018–2024 جىلدار ارالىعىنا جوسپارلانعان. جالپى 8 كەزەڭنەن تۇرادى. كەزەڭدەر بويىنشا جولدىڭ ەكى جاعىنان دا سۋ اعاتىن ارىق، جاسىل ايماق، تراتۋار، جارىق شامدار كوزدەلگەن. قازىرگى تاڭدا 1-كەزەڭ بويىنشا 90 پايىز، 2-كەزەڭ 60 پايىز، ال 3 كەزەڭدە 100 پايىز جۇمىستار اتقارىلعان. ال 4-كەزەڭ كەلەسى جىلعا وتپەلى. قالعان 5,6,7,8-كەزەڭدەردىڭ باستالۋى 2022 جىلعا جوسپارلانعان.
ەرجان جولداسوۆ - شىمكەنت قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى
سونىمەن قاتار، قالا بويىنشا كۇردەلى جوندەۋ جۇمىستارىنا جالپى سانى 71 كوشە بەلگىلەنگەن. قاراتاۋ اۋدانى بويىنشا 75 پايىزعا جۋىق، اباي اۋدانى بويىنشا 80 پايىز، ەڭبەكشى اۋدانى بويىنشا 100 پايىز جۇمىستار اتقارىلعان. قازىرگى تاڭدا جالپى ۇزىندىعى 21,9 شاقىرىم بولاتىن 9 ماگيسترالدى كوشەگە ورتاشا جوندەۋ جۇمىستارى جۇرگىزىلۋدە.
