«قىركۇيەكتىڭ 15-نەن باستاپ ەلىمىزدە ەمحانالارعا تىركەلۋ ناۋقانى باستالادى. ەلىمىزدىڭ ءاربىر ازاماتى ەكى اي ىشىندە، ياعني 15-ءشى قاراشاعا دەيىن تىركەلۋ مۇمكىندىگىنە يە بولادى»، - دەپ الەۋمەتتىك مەديتسينالىق ساقتاندىرۋ قورىنىڭ الماتى وبلىسى بويىنشا فيليالىنىڭ ديرەكتورى ن.وتارعاليەۆ باياندادى
«تىركەلۋ ناۋقانى كەزىندە مەديتسينالىق-سانيتارلىق العاشقى كومەك ۇيىمىنا تىركەلگەن ازاماتتار 2022 جىلدىڭ 1 قاڭتارىنان باستاپ مەديتسينالىق كومەك الا باستايدى. بۇل رەتتە مەديتسينالىق ۇيىم قورمەن كەلەر جىلعا ارنالعان تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە (تمككك) جانە مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىندە العاشقى مەديتسينالىق-الەۋمەتتىك كومەك قىزمەتتەرىن كورسەتۋگە شارت جاساسۋى ءتيىس. تىركەلۋ ناۋقانىنىڭ قورىتىندىسى بويىنشا مەديتسينالىق ۇيىمدار كەسكىنىندە حالىقتىڭ تاڭداۋىن ەسكەرە وتىرىپ، 2022 جىلعا ارنالعان قارجىلاندىرۋ جوسپارلانادى. ءاربىر تىركەلگەن تۇرعىن ءۇشىن مەديتسينالىق ۇيىمدارعا اي سايىن جان باسىنا شاققانداعى قارجىلاندىرۋ تولەنەدى. سوندىقتان، دەرەكقوردىڭ كامىل دۇرىستىعىنا قور مۇددەلى» - ءتۇسىندىردى ن.وتارعاليەۆ.
تىركەۋ ناۋقانى دەنساۋلىق ساقتاۋ نىساندارىنىڭ دەرەكقورىندا تىركەلگەن جانە تەگىن مەديتسينالىق كومەك پەن ءمامس بويىنشا مەديتسينالىق قىزمەتتى كورسەتەتىن ۇيىمدار اراسىندا عانا جۇرگىزىلەتىنىن اتاپ وتەمىز. قورمەن كەلىسىم شارتى بار ەمحانالاردىڭ تىزىمىمەن www.fms.kzسايتىندا «ەمحانانى تاڭداۋ» بولىمىندە تانىسۋعا بولادى.
وسى جىلدىڭ 31 جەلتوقسانىنا دەيىن ازاماتتار بۇرىن بەكىتىلگەن ەمحانالارىندا مەديتسينالىق قىزمەت تۇرلەرىن الۋدى جالعاستىرادى.
الماتى وبلىسى بويىنشا بۇگىنگى تاڭدا مەديتسينالىق-سانيتارلىق العاشقى كومەك ۇيىمدارىنا تىركەلمەگەن ازاماتتار قاجەتتى ەمحاناسىن تاڭداي الادى. مەديتسينالىق كومەككە تولىقتاي قول جەتكىزۋ ءۇشىن تۇرعىلىقتى جەرى بويىنشا ەمحانادا نەمەسە ەتسق ارقىلى ەلەكتروندىق ۇكىمەتتىڭ ۆەب-پورتالىندا تىركەلۋ مارتەبەسىن تەكسەرۋ ۇسىنىلادى.
قازىرگى تاڭدا، دەنساۋلىق ساقتاۋ جۇيەسى جانە حالىق دەنساۋلىعى كودەكسىنە سايكەس، كەز-كەلگەن كونسۋلتاتيۆتى دياگنوستيكالىق كومەككە (بەيىندى مامانداردىڭ كەڭەسى نەمەسە لابوراتوريالىق-دياگنوستيكالىق شارالار) قول جەتكىزۋ ءۇشىن تەلىم دارىگەرىنىڭ جولداماسى قاجەت. سوندىقتان، مەديتسينالىق كومەكتى جوسپارلى تۇردە الۋ ءۇشىن، ەمحاناعا تىركەلۋ ماسەلەسى وتە ماڭىزدى بولىپ تابىلادى.
ايتا كەتەتىن جايت، بۇگىنگى تاڭدا الماتى وبلىسى بويىنشا 487 مىڭنان استام ادام ساقتاندىرۋ مارتەبەسىنە يە بولماعان. الايدا، ساقاندىرۋ مارتەبەسىنە قاراماستان، بارلىق ازاماتتار تەگىن مەديتسينالىق كومەكتىڭ كەپىلدىك بەرىلگەن كولەمىنە قۇقىلى. بىراق، جوسپارلى ەمدەۋگە جاتقىزۋ، بەيىندى مامانداردىڭ قابىلداۋى، قىمبات تۇراتىن تەكسەرۋلەردەن ءوتۋ جانە جوعارى تەحنولوگيالىق ەم الۋ ءۇشىن ءمامس جۇيەسىندە ساقتاندىرىلعان بولۋى قاجەت. ساقتاندىرۋ مارتەبەسىن ەلەكتروندىق ۇكىمەت پورتالىندا، قور سايتىندا جانە Telegram-داعى SaqtandyryBot ارقىلى بىلۋگە بولادى.
وسىعان وراي، ساقتاندىرىلماعان تۇرعىندارىمىزدى ءمامس جۇيەسىنە ەنۋىنە شاقىرامىز.
