وبلىس اكىمى ماحامبەت دوسمۇحامبەتوۆتىڭ قاتىسۋىمەن ءبىلىم كۇنى قارساڭىندا «اينالايىن» قايىرىمدىلىق مارافونى ءوتتى. ول قر تاۋەلسىزدىگىنىڭ 30 جىلدىعىنا ورايلاستىرىلدى.
ءىس-شاراعا ع.مۇراتباەۆ اتىنداعى قالالىق ورتا مەكتەبىنىڭ ينكليۋزيۆتى سىنىپ وقۋشىلارى، ولاردىڭ مۇعالىمدەرى مەن انالارى جانە ۇەۇ وكىلدەرى قاتىستى.
- ەرەكشە ءبىلىمدى قاجەت ەتەتىن بالالاردى وقىتۋ ءۇشىن بارلىق قاجەتتى جاعدايلار جاسالۋدا. قازىر ينكليۋزيۆتى ءبىلىم بەرۋگە كوپ كوڭىل بولىنۋدە. وسىعان بايلانىستى اتىراۋ وبلىسىندا ارنايى كەڭەس بەرۋ، تۇزەتۋ كابينەتتەرى جۇمىس ىستەيدى، مەكتەپ-ينتەرناتتار جانىنان وڭالتۋ ورتالىقتارى ىسكە قوسىلدى، ال قاراپايىم مەكتەپتەردە جاڭا فورماتتا ينكليۋزيۆتى سىنىپتار اشىلۋدا. ەرەكشە بالالارعا پسيحولوگيالىق، مەديتسينالىق، پەداگوگيكالىق كەڭەس بەرۋ ءۇشىن وبلىس ورتالىعىندا ارنايى ورتالىق سالۋ جوسپارلانۋدا،- دەپ ءوڭىر باسشىسى بالالاردى كەلە جاتقان جاڭا وقۋ جىلىمەن قۇتتىقتادى.
اتا-انالار مەن دەمەۋشىلەر اتىنان ەرەكشە بالالاردى تاربيەلەپ وتىرعان گۇلداۋرەن ارىستانوۆاعا العىسىن ءبىلدىردى.
ءوڭىر باسشىسى بارلىق بالالارعا مەكتەپ فورماسى مەن كەڭسە تاۋارلارىن ساتىپ الۋ ءۇشىن ساۋدا ورتالىقتارىنا سەرتيفيكاتتار تابىس ەتتى. وبلىس بويىنشا وسىنداي سەرتيفيكاتتاردى 7000-نان استام بالا الدى. ونىڭ 3000-نان استامى اتىراۋ قالاسىندا تۇرادى.
ايتا كەتەيىك، باس دەمەۋشى «ەمبىمۇنايگاز» اق بولدى.
