Oblys ákimi Mahambet Dosmuhambetovtiń qatysýymen bilim kúni qarsańynda «Aınalaıyn» qaıyrymdylyq marafony ótti. Ol QR Táýelsizdiginiń 30 jyldyǵyna oraılastyryldy.
Is-sharaǵa Ǵ.Muratbaev atyndaǵy qalalyq orta mektebiniń ınklıýzıvti synyp oqýshylary, olardyń muǵalimderi men analary jáne ÚEU ókilderi qatysty.
- Erekshe bilimdi qajet etetin balalardy oqytý úshin barlyq qajetti jaǵdaılar jasalýda. Qazir ınklıýzıvti bilim berýge kóp kóńil bólinýde. Osyǵan baılanysty Atyraý oblysynda arnaıy keńes berý, túzetý kabınetteri jumys isteıdi, mektep-ınternattar janynan Ońaltý ortalyqtary iske qosyldy, al qarapaıym mektepterde jańa formatta ınklıýzıvti synyptar ashylýda. Erekshe balalarǵa psıhologııalyq, medıınalyq, pedagogıkalyq keńes berý úshin oblys ortalyǵynda arnaıy ortalyq salý josparlanýda,- dep óńir basshysy balalardy kele jatqan jańa oqý jylymen quttyqtady.
Ata-analar men demeýshiler atynan erekshe balalardy tárbıelep otyrǵan Gúldáýren Arystanovaǵa alǵysyn bildirdi.
Óńir basshysy barlyq balalarǵa mektep formasy men keńse taýarlaryn satyp alý úshin saýda ortalyqtaryna sertıfıkattar tabys etti. Oblys boıynsha osyndaı sertıfıkattardy 7000-nan astam bala aldy. Onyń 3000-nan astamy Atyraý qalasynda turady.
Aıta keteıik, bas demeýshi «Embimunaıgaz» AQ boldy.
