جاڭا پاتەر كىلتتەرى سپورت كۇنىنە ارنالعان سالتاناتتى شارادا تابىستالدى.
سپورتشىلاردى كاسىبي مەرەكەمەن وبلىس اكىمى ماحامبەت دوسمۇحامبەتوۆ قۇتتىقتادى.
«سپورت ءار ادامنىڭ ومىرىندە ماڭىزدى ءرول اتقارادى، ويتكەنى بالالارىمىزدىڭ جانە بولاشاق ۇرپاقتىڭ ساۋ بولۋى بىزگە بايلانىستى. ەل پرەزيدەنتى رەسپۋبليكاداعى بۇقارالىق سپورت پەن بالالار سپورتىن دامىتۋعا ەرەكشە نازار اۋدارۋدى تاپسىردى. وسى رەتتە، وبلىس تۇرعىندارىنىڭ 34 پايىزى سپورتپەن اينالىساتىنىن اتاپ وتكەن ءجون. ياعني، اتىراۋ وبلىسى تۇرعىندارى بۇقارالىق سپورتپەن شۇعىلدانۋ بويىنشا رەسپۋبليكادا ەكىنشى ورىندا»، - دەدى وبلىس اكىمى.
مەرەكەلىك ءىس-شارادا سپورتتىق باسەكەلەردىڭ جەڭىمپازدارى مەن جاتتىقتىرۋشىلارعا «قۇرمەتتى سپورت قىزمەتكەرى» توسبەلگىسى مەن قر مادەنيەت جانە سپورت مينيسترلىگىنىڭ، اتىراۋ وبلىسى اكىمىنىڭ العىس حاتتارى تابىس ەتىلدى.
ال، ۆولەيبولدى وتىرىپ ويناۋدان اتىراۋ وبلىستىق كومانداسىنىڭ مۇشەلەرى پەردەباي نامۇراتوۆ پەن اقىلبەك شىكىباەۆقا جاڭا پاتەر كىلتتەرى تابىستالدى.
« 10 جاسىمدا ەلەكتر توعىنا ءتۇسىپ، سالدارىنان اياعىم امپۋتاتسيالاندى. دوستارىمنىڭ ايتۋىمەن 2012 جىلى پاراۆولەيبولعا كەلدىم. قۇلسارىدان قالاعا قونىس اۋداردىم. سپورت مەنىڭ ءومىرىمدى تۇبەگەيلى وزگەرتتى، ول ءۇشىن مەن تاعدىرعا ريزامىن. ال بۇگىن مەنىڭ قۋانىشىمدا شەك جوق، سەبەبى قازىر مەنىڭ جەكە پاتەرىم بار »، - دەپ قۋانىشىمەن ءبولىستى اقىلبەك شىكىباەۆ.
