Jańa páter kiltteri Sport kúnine arnalǵan saltanatty sharada tabystaldy.
Sportshylardy kásibı merekemen oblys ákimi Mahambet Dosmuhambetov quttyqtady.
«Sport ár adamnyń ómirinde mańyzdy ról atqarady, óıtkeni balalarymyzdyń jáne bolashaq urpaqtyń saý bolýy bizge baılanysty. El Prezıdenti respýblıkadaǵy buqaralyq sport pen balalar sportyn damytýǵa erekshe nazar aýdarýdy tapsyrdy. Osy rette, oblys turǵyndarynyń 34 paıyzy sportpen aınalysatynyn atap ótken jón. Iaǵnı, Atyraý oblysy turǵyndary buqaralyq sportpen shuǵyldaný boıynsha respýblıkada ekinshi orynda», - dedi oblys ákimi.
Merekelik is-sharada sporttyq básekelerdiń jeńimpazdary men jattyqtyrýshylarǵa «Qurmetti sport qyzmetkeri» tósbelgisi men QR Mádenıet jáne sport mınıstrliginiń, Atyraý oblysy ákiminiń alǵys hattary tabys etildi.
Al, voleıboldy otyryp oınaýdan Atyraý oblystyq komandasynyń músheleri Perdebaı Namuratov pen Aqylbek Shikibaevqa jańa páter kiltteri tabystaldy.
« 10 jasymda elektr toǵyna túsip, saldarynan aıaǵym ampýtaııalandy. Dostarymnyń aıtýymen 2012 jyly paravoleıbolǵa keldim. Qulsarydan qalaǵa qonys aýdardym. Sport meniń ómirimdi túbegeıli ózgertti, ol úshin men taǵdyrǵa rızamyn. Al búgin meniń qýanyshymda shek joq, sebebi qazir meniń jeke páterim bar », - dep qýanyshymen bólisti Aqylbek Shikibaev.
