اتىراۋ وبلىسى اكىمى ماحامبەت دوسمۇحامبەتوۆ جاڭا سايلانعان اۋىلدىق وكرۋگ اكىمدەرىمەن كەزدەستى.
ايماق باسشىسى سايلاۋدا حالىق سەنىمىنە يە بولىپ، جەڭىمپاز شىققان اۋىل اكىمدەرىن قۇتتىقتاپ، قىزمەتتەرىنە ساتتىلىك تىلەدى.
«مەملەكەت باسشىسى «بۇل ءبىز ءۇشىن ستراتەگيالىق ءمانى بار ايرىقشا مىندەت. ازاماتتارىمىز تۇڭعىش رەت جەرگىلىكتى اتقارۋشى بيلىكتىڭ باسشىسىن تىكەلەي سايلاۋ مۇمكىندىگىنە يە بولماق. ءبىز بۇعان بىرتىندەپ، جوسپارلى تۇردە كەلدىك»- دەپ ەرەكشە ماڭىز بەرگەن بولاتىن. ءبىزدىڭ وبلىسىمىز بويىنشا دا ساياسي ناۋقان ءوز دارەجەسىندە، جوعارى باسەكەلەستىك دەڭگەيىندە ءوتتى»،-دەدى م.دوسمۇحامبەتوۆ.
ءوز كەزەگىندە ءسوز العان اتىراۋ قالاسى، قايىرشاقتى اۋىلدىق وكرۋگىنىڭ اكىمى شاپحات كاليەۆ الداعى جوسپارلارىن ايتتى. «سايلاۋ الدى باعدارلامامدا ەلدى مەكەندەردە حالىق سانىنىڭ ارتۋى جانە حالىقتىڭ سۇرانىسىنىڭ وسۋىنە بايلانىستى وكرۋگتە 3 مەكتەپ، 6 بالاباقشانىڭ جوبالىق-سمەتالىق قۇجاتتارى جاساقتالۋدا. وسى جىلى اياقتالۋ جوسپاردا تۇر. اعىمداعى جىل مەن الداعى جىلدارى وسى نىسانداردى ىسكە قوسۋ ءۇشىن بار كۇشىمدى سالامىن جانە كورسەتىلگەن جۇمىستاردى ورىنداۋ ءۇشىن حالىقتىڭ سەنىمىن اقتاۋعا قىزمەت ەتەمىن»،-دەدى.
«ادال» پارتياسى اتىنان سايلاۋعا تۇسكەن، قۇرمانعازى اۋدانى، تەڭىز اۋىلدىق وكرۋگىنىڭ اكىمى قايسار ماقسوتوۆ جاس بولسا دا، ءوزىنىڭ بار ءبىلىمى مەن كۇش-جىگەرىن اۋىلدى كوركەيتۋگە جۇمسايتىنىن جەتكىزدى. «اۋىل تۇرعىندارىنىڭ قانداي قابىلەتتەرى بار، جۇمىسسىزدىق قالاي ورىن الىپ وتىر، سونى تالقىلاپ، اۋىل تۇرعىندارىمەن بىرلەسىپ شەشۋدى قاراستىرامىز. ياعني، حالىقپەن بىرگە وسىلاردى ىسكە اسىرا وتىرىپ، جەرگىلىكتى بيۋدجەتى تولىقتىرىپ، اۋىلدىڭ كوركەيۋىنە ءوزىمىز ارەكەتتەنەمىز»،-دەدى ق.ماقسوتوۆ.
جيىن سوڭىندا ايماق باسشىسى اۋىلدىق وكرۋگ اكىمدەرىنە «قر جەرگىلىكتى ءوزىن-ءوزى باسقارۋ تۋرالى» تۇجىرىمداماسىنا سايكەس، الداعى ۋاقىتتا جەرگىلىكتى باسقارۋ قۇرىلىمدارىندا كوپتەگەن وزگەرىستەر بولاتىنىن اتاپ ءوتتى.
«جەرگىلىكتى قوعامداستىق جيىنىنىڭ وكىلەتتىكتەرى كەڭەيتىلەدى. بيۋدجەت تۇسىمدەرىن تەك كوممۋنالدىق مەنشىك نىساندارىنا، سالىق تۇسىمدەرىنە قاراماي جاڭا جۇمىس ورىندارىن قۇرۋ، كاسىپكەرلىك پەن اۋىل شارۋاشىلىعى جوبالارىن جۇزەگە اسىرۋ ارقىلى ارتتىرۋ جولدارىن قاراستىرۋ قاجەت»،-دەگەن وبلىس باسشىسى اۋىلدىق وكرۋگتەردە جەرگىلىكتى قوعامداستىقتىڭ قازىرگى جينالىسىن قايتا قۇرۋ ارقىلى وكىلدى ورگاننىڭ فۋنكتسيالارى بار القالى جەرگىلىكتى ءوزىن-ءوزى باسقارۋ ورگانى – كەڭەس قۇرىلاتىنىن دا جەتكىزدى.
«سايلاۋ الدى باعدارلامالارىڭىزدا كوزدەلگەن مىندەتتەر جوسپار كۇيىندە قالماۋى ءتيىس. بارلىق ماسەلەلەردىڭ ورىندالۋىن قامتاماسىز ەتۋدى قاتاڭ باقىلاۋعا الىپ، ءتيىستى شارالار قابىلداۋ قاجەت. ءوز تاراپىمنان ورىنباسارلارىم مەن اۋدان اكىمدەرىنە قولداۋ ءبىلدىرۋدى تاپسىرامىن»،-دەگەن م.دوسمۇحامبەتوۆ، سايلاۋ الدى ۇگىت-ناسيحات جۇمىستارى كەزىندە حالىق تاراپىنان ايتىلعان ۇسىنىس-پىكىرلەردىڭ بىردە-بىرەۋى ەسكەرۋسىز قالماۋى ءتيىس ەكەنىن باسا ايتتى.
ايتا كەتۋ كەرەك، وبلىستاعى 18 اۋىلدىق وكرۋگتە وتكەن سايلاۋدا 52 ۇمىتكەر باق سىنادى. ورتاشا باسەكەلەستىك ءبىر ورىنعا 3 ادامنان كەلدى. سايلاۋ ناتيجەسىندە 8 اكىم قايتا سايلانىپ، 10 اكىم جاڭادان قىزمەتكە كىرىسىپ، سايلانعان اكىمدەر كورپۋسى قۇرامى جارتىسىنان استامى جاڭاردى. ياعني «Nur Otan» پارتياسىنان 15, «Adal» پارتياسىنان 1, ءوزىن-ءوزى ۇسىنعان 2 كانديدات وكرۋگ اكىمى بولدى.
