Atyraý oblysy ákimi Mahambet Dosmuhambetov jańa saılanǵan aýyldyq okrýg ákimderimen kezdesti.
Aımaq basshysy saılaýda halyq senimine ıe bolyp, jeńimpaz shyqqan aýyl ákimderin quttyqtap, qyzmetterine sáttilik tiledi.
«Memleket basshysy «bul biz úshin strategııalyq máni bar aıryqsha mindet. Azamattarymyz tuńǵysh ret jergilikti atqarýshy bıliktiń basshysyn tikeleı saılaý múmkindigine ıe bolmaq. Biz buǵan birtindep, josparly túrde keldik»- dep erekshe mańyz bergen bolatyn. Bizdiń oblysymyz boıynsha da saıası naýqan óz dárejesinde, joǵary básekelestik deńgeıinde ótti»,-dedi M.Dosmuhambetov.
Óz kezeginde sóz alǵan Atyraý qalasy, Qaıyrshaqty aýyldyq okrýginiń ákimi Shaphat Kalıev aldaǵy josparlaryn aıtty. «Saılaý aldy baǵdarlamamda eldi mekenderde halyq sanynyń artýy jáne halyqtyń suranysynyń ósýine baılanysty okrýgte 3 mektep, 6 balabaqshanyń jobalyq-smetalyq qujattary jasaqtalýda. Osy jyly aıaqtalý josparda tur. Aǵymdaǵy jyl men aldaǵy jyldary osy nysandardy iske qosý úshin bar kúshimdi salamyn jáne kórsetilgen jumystardy oryndaý úshin halyqtyń senimin aqtaýǵa qyzmet etemin»,-dedi.
«Adal» partııasy atynan saılaýǵa túsken, Qurmanǵazy aýdany, Teńiz aýyldyq okrýginiń ákimi Qaısar Maqsotov jas bolsa da, óziniń bar bilimi men kúsh-jigerin aýyldy kórkeıtýge jumsaıtynyn jetkizdi. «Aýyl turǵyndarynyń qandaı qabiletteri bar, jumyssyzdyq qalaı oryn alyp otyr, sony talqylap, aýyl turǵyndarymen birlesip sheshýdi qarastyramyz. Iaǵnı, halyqpen birge osylardy iske asyra otyryp, jergilikti bıýdjeti tolyqtyryp, aýyldyń kórkeıýine ózimiz árekettenemiz»,-dedi Q.Maqsotov.
Jıyn sońynda aımaq basshysy aýyldyq okrýg ákimderine «QR jergilikti ózin-ózi basqarý týraly» tujyrymdamasyna sáıkes, aldaǵy ýaqytta jergilikti basqarý qurylymdarynda kóptegen ózgerister bolatynyn atap ótti.
«Jergilikti qoǵamdastyq jıynynyń ókilettikteri keńeıtiledi. Bıýdjet túsimderin tek kommýnaldyq menshik nysandaryna, salyq túsimderine qaramaı jańa jumys oryndaryn qurý, kásipkerlik pen aýyl sharýashylyǵy jobalaryn júzege asyrý arqyly arttyrý joldaryn qarastyrý qajet»,-degen oblys basshysy aýyldyq okrýgterde jergilikti qoǵamdastyqtyń qazirgi jınalysyn qaıta qurý arqyly ókildi organnyń fýnkııalary bar alqaly jergilikti ózin-ózi basqarý organy – Keńes qurylatynyn da jetkizdi.
«Saılaý aldy baǵdarlamalaryńyzda kózdelgen mindetter jospar kúıinde qalmaýy tıis. Barlyq máselelerdiń oryndalýyn qamtamasyz etýdi qatań baqylaýǵa alyp, tıisti sharalar qabyldaý qajet. Óz tarapymnan orynbasarlarym men aýdan ákimderine qoldaý bildirýdi tapsyramyn»,-degen M.Dosmuhambetov, saılaý aldy úgit-nasıhat jumystary kezinde halyq tarapynan aıtylǵan usynys-pikirlerdiń birde-bireýi eskerýsiz qalmaýy tıis ekenin basa aıtty.
Aıta ketý kerek, oblystaǵy 18 aýyldyq okrýgte ótken saılaýda 52 úmitker baq synady. Ortasha básekelestik bir orynǵa 3 adamnan keldi. Saılaý nátıjesinde 8 ákim qaıta saılanyp, 10 ákim jańadan qyzmetke kirisip, saılanǵan ákimder korpýsy quramy jartysynan astamy jańardy. Iaǵnı «Nur Otan» partııasynan 15, «Adal» partııasynan 1, ózin-ózi usynǵan 2 kandıdat okrýg ákimi boldy.
