شىمكەنتتە بۇقارالىق سپورت بارىنشا دامىماق

2115
Adyrna.kz Telegram

مەملەكەت باسشىسى بۇقارالىق سپورتتى دامىتۋدىڭ ماڭىزدىلىعىن، جاس ۇرپاقتىڭ سپورتتىق جانە شىعارماشىلىق الەۋەتىنە ەرەكشە نازار اۋدارۋ قاجەت ەكەندىگىن اتاپ وتكەن بولاتىن.وسى ورايدا، ەلىمىزدەگى ءۇشىنشى مەگاپوليستە بۇقارالىق سپورتتى دامىتۋ، جاستاردىڭ بوس ۋاقىتىن ءتيىمدى ۇيىمداستىرۋ باعىتىندا ءىس-شارالار اتقارىلۋدا. جۇمىس بارىسىن باق وكىلدەرىمەن بىرگە باقىلاعان شىمكەنت قالاسى اكىمىنىڭ ورىنباسارى ماقسۇت يساحوۆ مەملەكەتتىك تاپسىرىسپەن جان باسىنا قارجىلاندىرۋ جوباسىنا قامتىلعان بىرقاتار جەكەمەنشىك سپورتتىق نىسانداردى ارالادى.

ىرىكتەۋدەن وتكەن بىلىكتى ءونىم بەرۋشىلەردىڭ ءبىرى «ەتالون كلينينگ» جشس-گى «STRONG» فيتنەس ورتالىعىن جالعا الۋ ارقىلى مەملەكەتتىك تاپسىرىسپەن جۇمىس جاساۋدى باستاپتى. سپورت كەشەنىنىڭ جالپى اۋدانى 950 شارشى مەتردى قۇرايدى. كاسىپكەر بوكس جانە تاەكۆوندو سپورت تۇرىنەن 160 بالاعا ءوتىنىم جولداپ، وسى جىلدىڭ 3 شىلدەسىنەن باستاپ جۇمىسقا كىرىسكەن. قازىرگى تاڭدا 110 اتا-انادان ءوتىنىم ءتۇسىپ، ولاردىڭ اراسىندا  كەلىسىم-شارت جاسالعان.

بەيبىت كوشەرباەۆ - كاسىپكەر

بۇگىنگى تاڭدا قالادا 4096 بالاعا 71 سپورت تۇرىنەن تەگىن سپورت سەكتسيالارىن ۇيىمداستىرۋ ءۇشىن جەرگىلىكتى بيۋدجەتتەن (جان باسىنا شاققانداعى قارجىلاندىرۋ) 339,8 ملن تەڭگە قارجى باعىتتالعان. بۇل كورسەتكىش 2021 جىلى جالپى بوس بالالاردىڭ قوسىمشا سپورتتىق سەكتسيامەن قامتۋ ۇلەسىنىڭ 5,3 %-ىن قۇرايتىن بولادى. بۇگىندە، بالالارىن تەگىن سپورتتىق سەكتسياعا قاتىستىرۋ ءۇشىن 3 مىڭنان استام اتا-انادان ءوتىنىم ءتۇسىپتى.

ماقسۇت يساحوۆ – شىمكەنت قالاسى اكىمىنىڭ ورىنباسارى

مەملەكەتتىك تاپسىرىستى جۇزەگە اسىرۋ ماقساتىندا 2021 جىلدىڭ مامىر ايىندا «بالا» ساندىق پلاتفورماسى ىسكە قوسىلدى. بۇل پلاتفورماعا  artsport.edu.kz مەكەنجايى ارقىلى كاسىپكەرلەر، جاتتىقتىرۋشىلار جانە قالانىڭ ءاربىر تۇرعىنى اتا-انا رەتىندە ءوتىنىم جولداي الادى. اتا-انا بالاعا ارنالعان شىعارماشىلىق نەمەسە سپورتتىق ۇيىرمەگە ءوتىنىش بەرىپ، ۆاۋچەر (بىرەگەي ءنومىر) الادى. ايتا كەتەيىك، بۇگىندە قالادا مەملەكەتتىك-جەكەشەلىك ارىپتەستىك اياسىندا 5 سپورت كلۋبى جۇمىس ىستەيدى.

 

گ.اسقارقىزى

پىكىرلەر