دىنمۇحامەد قوناەۆ داڭعىلىنىڭ قۇرىلىسى كەلەسى جىلى تولىعىمەن ءتامامدالادى. بۇل تۋرالى شىمكەنت قالاسى اكىمىنىڭ سالاعا جاۋاپتى ورىنباسارى ماقسۇت يساحوۆ جۋرناليستەرگە بەرگەن سۇحباتى بارىسىندا باياندادى. باق وكىلدەرىن قۇرىلىس باسىنا ارنايى الىپ بارعان اكىمى ورىنباسارى جۇمىستىڭ كەستەگە ساي جۇرگىزىلىپ جاتقانىن، سونداي-اق، مۇنداعى جۇمىسشىلاردىڭ قاۋىپسىزدىگى مەن قۇرىلىستىڭ ساپاسى باستى نازاردا ەكەنىن كورسەتتى.
بۇل جەر دىنمۇحامەد قوناەۆ داڭعىلىنىڭ ۆالەنتينا تەرەشكوۆا كوشەسىنەن بوگەت كوشەسىنە دەيىنگى ارالىعى. مۇندا ءدال قازىر تاڭدا داڭعىل قۇرىلىسىنىڭ 3-كەزەڭى جۇرىپ جاتىر. تەمىر جولدى جول ۇستىنەن وتكىزۋ جۇمىستارىنا قارقىندى كىرىسىپ كەتكەن جۇمىسشىلاردىڭ قاۋىپسىزدىگىن باقىلاعان قالا باسشىسىنىڭ ورىنباسارى قۇرىلىستىڭ ساپاسىنا باسا ءمان بەرۋدى تاپسىردى.
ماقسۇت يساحوۆ - شىمكەنت قالاسى اكىمىنىڭ ورىنباسارى
3-ءشى كەزەڭنىڭ جالپى ۇزىندىعى 6 جولاقتى 0,561 شاقىرىمدى قۇرايدى. ال جولدىڭ ەنى 42 مەتر. بۇگىنگى تاڭدا 700 م ەكى باعىتتى اينالما تەمىر جولىن، 948 م كارىز قۇبىرىن سالۋ، 3,4 شاقىرىم كابەل جەلىلەرىن تارتۋ، 24 تەمىر جول ەلەكتر باعانالارىن جانە 2 دانا جەر استى جاياۋ جۇرگىنشىلەر وتكەلدەرىن ورناتۋ، تەمىر جول وتكەلىنىڭ 24 دانا سۆاي قۇيۋ، 60000م3 جەر جۇمىستارى جانە 4 دانا تەمىر جول كوپىرىنىڭ نەگىزىن قۇيۋ جانە 4 دانا تەمىرجول بالكالارىن ورناتۋ جۇمىستارى ورىندالعان.
ماقسۇت يساحوۆ - شىمكەنت قالاسى اكىمىنىڭ ورىنباسارى
3-ءشى كەزەڭنىڭ جۇمىستارى كەلەسى جىلعا وتپەلى. ال، جالپى داڭعىل قۇرىلىسىن تولىعىمەن ءتامامداۋ كەلەر جىلدىڭ اياعىنا جوسپارلانۋدا ەكەن. بۇگىندە، تۇركىستان كوشەسى مەن قوشقار اتا وزەنىنە دەيىنگى 1-ءشى كەزەڭ جۇمىستارى اياقتالعان. ال، 2-ءشى كەزەڭ جۇمىستارىندا ساتىپ الۋ جۇمىستارى ءجۇرىپ جاتقان كورىنەدى. ايتا وتەيىك، 4-ءشى كەزەڭدەگى كوپىردى بىلتىرعى جىلى اشىپ، مارە-سارە بولعانىمىز ەستەرىڭىزدە بولار. سونداي-اق، ساۋلە شاعىناۋدانىندا جۇرەتىن 5-ءشى كەزەڭ جۇمىستارىنا استانالىق مەردىگەر بەكىتىلىپتى. سونىمەن قاتار، اكىم ورىنباسارى ساپارىندا داڭعىل بويىندا سالىنىپ جاتقان جولايرىق قۇرىلىسىمەندە تانىستىرا ءوتتى. مۇندا قازىر قۇرىلىس قارقىندى ءجۇرىپ جاتىر. تۋىنداعان ماسەلەلەر توڭىرەگىندە ءسوز قوزعاعان ماقسۇت پەرنەبايۇلى جولدىڭ ءجۇرىس بولىگىن قاراشادا اشامىز دەپ قاداپ ايتتى.
ماقسۇت يساحوۆ - شىمكەنت قالاسى اكىمىنىڭ ورىنباسارى
داڭعىلدىڭ جولايرىق قۇرىلىسىنا 6,2 ملرد تەڭگە بولىنگەن، ال، جالپى 5 كەزەڭ بويىنشا جۇمىستارعا 18 ملرد تەڭگە بولىنگەن.
گ.اسقارقىزى
