Dınmūhamed Qonaev daŋǧylynyŋ qūrylysy kelesı jyly tolyǧymen tämämdalady. Būl turaly Şymkent qalasy äkımınıŋ salaǧa jauapty orynbasary Maqsūt İsahov jurnalisterge bergen sūhbaty barysynda baiandady. BAQ ökılderın qūrylys basyna arnaiy alyp barǧan äkımı orynbasary jūmystyŋ kestege sai jürgızılıp jatqanyn, sondai-aq, mūndaǧy jūmysşylardyŋ qauıpsızdıgı men qūrylystyŋ sapasy basty nazarda ekenın körsettı.
Būl jer Dınmūhamed Qonaev daŋǧylynyŋ Valentina Tereşkova köşesınen Böget köşesıne deiıngı aralyǧy. Mūnda däl qazır taŋda daŋǧyl qūrylysynyŋ 3-kezeŋı jürıp jatyr. Temır joldy jol üstınen ötkızu jūmystaryna qarqyndy kırısıp ketken jūmysşylardyŋ qauıpsızdıgın baqylaǧan qala basşysynyŋ orynbasary qūrylystyŋ sapasyna basa män berudı tapsyrdy.
Maqsūt İsahov - Şymkent qalasy äkımınıŋ orynbasary
3-şı kezeŋnıŋ jalpy ūzyndyǧy 6 jolaqty 0,561 şaqyrymdy qūraidy. Al joldyŋ enı 42 metr. Bügıngı taŋda 700 m ekı baǧytty ainalma temır jolyn, 948 m kärız qūbyryn salu, 3,4 şaqyrym kabel jelılerın tartu, 24 temır jol elektr baǧanalaryn jäne 2 dana jer asty jaiau jürgınşıler ötkelderın ornatu, temır jol ötkelınıŋ 24 dana svai qūiu, 60000m3 jer jūmystary jäne 4 dana temır jol köpırınıŋ negızın qūiu jäne 4 dana temırjol balkalaryn ornatu jūmystary oryndalǧan.
Maqsūt İsahov - Şymkent qalasy äkımınıŋ orynbasary
3-şı kezeŋnıŋ jūmystary kelesı jylǧa ötpelı. Al, jalpy daŋǧyl qūrylysyn tolyǧymen tämämdau keler jyldyŋ aiaǧyna josparlanuda eken. Bügınde, Türkıstan köşesı men Qoşqar ata özenıne deiıngı 1-şı kezeŋ jūmystary aiaqtalǧan. Al, 2-şı kezeŋ jūmystarynda satyp alu jūmystary jürıp jatqan körınedı. Aita öteiık, 4-şı kezeŋdegı köpırdı byltyrǧy jyly aşyp, märe-säre bolǧanymyz esterıŋızde bolar. Sondai-aq, Säule şaǧynaudanynda jüretın 5-şı kezeŋ jūmystaryna astanalyq merdıger bekıtılıptı. Sonymen qatar, äkım orynbasary saparynda daŋǧyl boiynda salynyp jatqan jolairyq qūrylysymende tanystyra öttı. Mūnda qazır qūrylys qarqyndy jürıp jatyr. Tuyndaǧan mäseleler töŋıregınde söz qozǧaǧan Maqsūt Pernebaiūly joldyŋ jürıs bölıgın qaraşada aşamyz dep qadap aitty.
Maqsūt İsahov - Şymkent qalasy äkımınıŋ orynbasary
Daŋǧyldyŋ jolairyq qūrylysyna 6,2 mlrd teŋge bölıngen, al, jalpy 5 kezeŋ boiynşa jūmystarǧa 18 mlrd teŋge bölıngen.
G.Asqarqyzy
