شىمكەنتتە بيىل جول قۇرىلىسى قارقىندى ءجۇرىپ جاتىر. سالاعا جاۋاپتىلار بۇل ماقساتقا قارالعان قارجى بىلتىرعىمەن سالىستىرعاندا ەداۋىر ارتىپ وتىر دەيدى. جول سالاسىندا اتقارىلاتىن قۇرىلىستاردىڭ 80 پايىزدايى ەلدى مەكەندەردەگى ىشكى ورام كوشەلەرىن اسفالتتاۋعا باعىتتالعان. جالپى جىل سوڭىنا دەيىن 144 كوشەگە شاعىل تاس توسەلەدى. جول ساپاسى قالا اكىمىنىڭ تىكەلەي باقىلاۋىندا تۇر.
ءال-فارابي كوشەسى جالعاسىنىڭ قۇرىلىسى قىزۋ جۇرگىزىلۋدە. كوشەنىڭ جالپى ۇزىندىعى 7,6شاقىرىم، ەنى 43مەتردى قۇرايدى. جولدىڭ ءجۇرىس بولىگى 4 جولاقتى. بۇگىندە قۇرىلىس جۇمىستارىنىڭ 80% اياقتالعان. ءاسفالتتىڭ تاعى ءبىر قاباتى سالىنىپ، جول بەلگىلەرى قويىلادى.قۇرىلىسشىلار قىركۇيەك ايىندا نىساندى تولىق اياقتاپ، ەل يگىلىگىنە بەرەمىز دەپ وتىر. بۇل جولدى اسىرەسە سولتۇستىك ساياجاي تۇرعىندارى اسىعا كۇتىپتى.
جولداسبەك جاڭبىرشى قالا تۇرعىنى
بۇگىندە قالادا 100-دەن اسا نىساندا جوندەۋ جۇمىستارى جۇرگىزىلۋدە. بيىل جىلدار بويى كەزەگىن كۇتكەن اۋقىمدى جوبالار اتقارىلۋدا. 3 كەزەڭنەن تۇراتىن قوناەۆ كوشەسىنىڭ جالعاسى، قوناەۆ-رىسقۇلوۆ كوشەلەرى مەن بايدىبەك بي-ارعىنبەكوۆ كوشەلەرىنىڭ جولايرىق قۇرىلىستارى قولعا الىنىپ، جۇمىستارى وندىرىستىك كەستەگە ساي جۇرگىزىلىپ جاتىر دەيدى سالاعا جاۋاپتىلار.
ماديار بايىمبەتوۆ شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى:
جولدىڭ شاقىرىمى عانا ەمەس ساپاسى دا ماڭىزدى. ماماندار ارنايى جىلجىمالى زەرتحانانى قولدانۋ ارقىلى جولدىڭ ەنىن ولشەپ، قالىڭدىعىن انىقتايدى. الىنعان ۇلگىلەر ارنايى ساراپتاماعا جىبەرىلىپ، سالىنىپ جاتقان نىسانعا ءتيىستى باعا بەرىلەدى. «جول اكتيۆتەرىنىڭ ۇلتتىق ساپا» ورتالىعىنىڭ سىناق زەرتحاناسىنىڭ ماماندارىكەمشىلىكتەر انىقتالعان جاعدايدا مەردىگەرلەرگە ولقىلىقتاردى جويۋعا مەرزىم بەلگىلەيدى.
قايرات شاكيروۆ «جول اكتيۆتەرىنىڭ ۇلتتىق ساپا» ورتالىعى شىمكەنت قالاسى بويىنشا فيليالىسىناق زەرتحاناسىنىڭ مەڭگەرۋشىسى
شىمكەنتتە بيىل شالعاي ەلدىمەكەندەردەگى جولداردىڭ قۇرىلىسىنا باسىمدىق بەرىلىپ وتىر. قالادا جىل سوڭىنا دەيىن 270 شاقىرىمداي جول پايدالانۋعا بەرىلەدى.
