حالقىنىڭ سانى ميلليوننان اساتىن شىمكەنتتىڭ 883 مىڭ تۇرعىنى مىندەتتى الەۋمەتتىك مەديتسينالىق ساقتاندىرۋ جۇيەسىنە تىركەلگەن. ال، ساقتاندىرىلماعاندار سانى – 210 مىڭنان اسادى. جۇيەنىڭ قاتىسۋشىسى بولۋ ارقىلى قاجەتتى مەديتسينالىق كومەككە دەر كەزىندە قول جەتكىزۋ مۇمكۇندىگى بار ەكەندىگىن تۇرعىندار ءجىتى تۇسىنسە، - دەيدى اتالمىش قوردىڭ شىمكەنت قالالىق فيليال ديرەكتورى ءسابيت قۇرالبەك.
فيليال ديرەكتورىنىڭ سوزىنشە، قالادا حالىققا مەديتسينالىق كومەك كورسەتۋگە ۇمىتكەر مەديتسينالىق مەكەمەلەر سانى ۇلعايعان. وسى جىلى 120 مەديتسينالىق مەكەمەمەن كەلىسىمشارت جاسالعان. ونىڭ 87-ءسى جەكە مەنشىك يەسىندەگى ۇيىمدار. مەديتسينالىق مەكەمە سانىنىڭ ارتۋى شىنايى باسەكەلەستىكتى تۋعىزادى. ال، اتالعان جۇيەدە ءار تۇرعىن ەمدەۋ مەكەمەسىن تاڭداۋعا قۇقىلى. بۇل رەتتە مەديتسينالىق مەكەمەلەر تۇرعىنداردى وزدەرىنىڭ مەكەمەسىنە تارتۋ ءۇشىن جاعداي جاسايدى. ءبىرىنشى كەزەكتە مەديتسينالىق كومەك ساپاسىن ارتتىرادى.
ءسابيت قۇرالبەك - «الەۋمەتتىك مەديتسينالىق ساقتاندىرۋ قورى» كەاق شىمكەنت قالالىق فيليالىنىڭ ديرەكتورى
سونداي-اق، ءسابيت قۇرالبەك مەديتسينا سالاسىنداعى كەيبىر كونسۋلتاتيۆتى-دياگنوستيكالىق قىزمەتتەردىڭ جولداماسىز قىزمەت كورسەتەتىندىگىن جەتكىزدى. ماسەلەن، ستوماتولوگيا سالاسى بۇعان دەيىن جۇكتى ايەلدەر مەن 18 جاسقا دەيىنگى بالالاردى عانا جۇيە ارقىلى تەگىن قابىلداپ كەلسە، بۇگىندە بۇل ساناتتاعى تۇلعالاردىڭ قاتارى ارتقان. ولارعا مۇمكىندىگى شەكتەۋلى جاندار، زەينەتكەرلەر، الەۋەتى ءالجۋاز توپتاعى تۇرعىندار مەن «التىن»، «كۇمىس» القا يەگەرلەرى كىرەدى.
ءسابيت قۇرالبەك - «الەۋمەتتىك مەديتسينالىق ساقتاندىرۋ قورى» كەاق شىمكەنت قالالىق فيليالىنىڭ ديرەكتورى
بريفينگتە بەلگىلى بولعانداي تۇرعىندار اراسىندا «Qoldau 24/7» اتتى موبيلدىك قوسىمشاسى كەڭىنەن تاراۋدا. بۇل قوسىمشا ارقىلى ءار تۇرعىن ساقتاندىرۋ بويىنشا تولىق اقپارات الۋعا، دەنساۋلىق ساقتاۋ سالاسىنداعى وزگەرىستەر مەن ۇسىنىستار قالدىرۋعا، مەديتسينالىق مەكەمە نەمەسە مەديتسينا قىزمەتكەرلەرى تاراپىنان بولعان كەمشىلىكتەر تۋرالى ارىز-شاعىم تۇسىرۋگە بولادى.
پەريزات ورتاي
