بۇگىندە شىمكەنتتە قوعامدىق كولىكتەر جاڭارىپ كەلەدى. سونداي-اق كولىك قاتىناسىندا اۆتوبۋستار پاركى مىڭ دانا تەحنيكاعا جەتەدى. ونىڭ ىشىندە 600-ءى جاڭا اۆتوبۋس مارشرۋتتارعا شىعارىلسا، جىل سوڭىنا دەيىن قالا تاسىمالداۋشىلارى تاعى 290 دانا جاڭا اۆتوبۋسپەن تولىعادى. ناتيجەسىندە، قالانىڭ قوعامدىق كولىكتەر پاركىنىڭ جاڭارۋى 80 پايىزدى قۇراماق.
جول قوزعالىسىن اۆتوماتتى رەجيمدە رەتتەۋ ءۇشىن 20 جول قيىلىستارىنا باعدارشامدار ورناتۋ، 16 ورىنعا بەلسەندى جاياۋ جۇرگىنشىلەر وتكەلىن سالۋ، جانە 2500 دانا جول بەلگىلەرىن ورناتۋ جۇمىستارى جوسپارلانىپ، ىسكە اسىرىلۋدا. بۇگىندە ول جۇمىستاردىڭ 80 پايىزى اتقارىلعان. قازىرگى تاڭدا شاھاردا جولاۋشىلار تاسىمالى بويىنشا 78 مارشرۋتتىق كەستە بەكىتىلگەن. ونىڭ ىشىندە 29 مارشرۋت ىشكى ورامدىق قوعامدىق كولىك قاتىناسىنا جاتادى. قالا بويىنشا 57 مارشرۋت الەۋمەتتىك ءمانى بار قاتىناستار ساناتىنا ەنگىزىلگەن
ناۋرىز سىدىراليەۆ - جولاۋشىلار كولىگى جانە اۆتوموبيل جولدارى باسقارماسىنىڭ قوعامدىق كولىك ءبولىمىنىڭ باسشىسى
ايتىپ وتەيىك، بۇگىندە شاھاردا سالىنىپ جاتقان جولدار ساپاعا ساي. 65 كوشە ياعني 49 شاقىرىم كۇردەلى جوندەۋدەن ءوتتى. بۇگىندە ونىڭ 80%-ى اياقتالدى. ال، ماگيسترالدى 151 كوشە ورتاشا جوندەۋدەن ءوتتى. ونىڭ ىشىندە 66-ى كوشەنىڭ قۇرىلىس اياقتالدى.
ەرجان جولداسوۆ - جولاۋشىلار كولىگى جانە اۆتوموبيل جولدارى باسقارماسىنىڭ باسشىسى
شىمكەنتتەگى كولىك كەپتەلىستەرىن رەتتەۋ باعىتىندا دا ءبىرشاما شارۋالار اتقارىلۋدا. بايتۇرسىنوۆ كوشەسىندە كولىكتەر ءبىر باعىتتا قاتىنايتىن بولادى. ال، رىسقۇلوۆ كوشەسى مەن قوناەۆ داڭعىلى قيىلىسىنداعى جول ايرىقتىڭ قۇرىلىسى اياقتالۋعا جاقىن. قالا تۇرعىندارىنىڭ يگىلىگىنە جىل سوڭىنا دەيىن پايدالانۋعا بەرىلمەك.
ايدانا قۋانىشقىزى
