Búginde Shymkentte qoǵamdyq kólikter jańaryp keledi. Sondaı-aq kólik qatynasynda avtobýstar parki myń dana tehnıkaǵa jetedi. Onyń ishinde 600-i jańa avtobýs marshrýttarǵa shyǵarylsa, jyl sońyna deıin qala tasymaldaýshylary taǵy 290 dana jańa avtobýspen tolyǵady. Nátıjesinde, qalanyń qoǵamdyq kólikter parkiniń jańarýy 80 paıyzdy quramaq.
Jol qozǵalysyn avtomatty rejımde retteý úshin 20 jol qıylystaryna baǵdarshamdar ornatý, 16 orynǵa belsendi jaıaý júrginshiler ótkelin salý, jáne 2500 dana jol belgilerin ornatý jumystary josparlanyp, iske asyrylýda. Búginde ol jumystardyń 80 paıyzy atqarylǵan. Qazirgi tańda shaharda Jolaýshylar tasymaly boıynsha 78 marshrýttyq keste bekitilgen. Onyń ishinde 29 marshrýt ishki oramdyq qoǵamdyq kólik qatynasyna jatady. Qala boıynsha 57 marshrýt áleýmettik máni bar qatynastar sanatyna engizilgen
Naýryz Sydyralıev - Jolaýshylar kóligi jáne avtomobıl joldary basqarmasynyń qoǵamdyq kólik bóliminiń basshysy
Aıtyp óteıik, búginde shaharda salynyp jatqan joldar sapaǵa saı. 65 kóshe ıaǵnı 49 shaqyrym kúrdeli jóndeýden ótti. Búginde onyń 80%-y aıaqtaldy. Al, magıstraldy 151 kóshe ortasha jóndeýden ótti. Onyń ishinde 66-y kósheniń qurylys aıaqtaldy.
Erjan Joldasov - Jolaýshylar kóligi jáne avtomobıl joldary basqarmasynyń basshysy
Shymkenttegi kólik keptelisterin retteý baǵytynda da birshama sharýalar atqarylýda. Baıtursynov kóshesinde kólikter bir baǵytta qatynaıtyn bolady. Al, Rysqulov kóshesi men Qonaev dańǵyly qıylysyndaǵy jol aıryqtyń qurylysy aıaqtalýǵa jaqyn. Qala turǵyndaryniń ıgiligine jyl sońyna deıin paıdalanýǵa berilmek.
Aıdana Qýanyshqyzy
