شىمكەنت قالاسىنىڭ اكىمى مۇرات ايتەنوۆ اباي اۋدانىنداعى تۇرعىن الاپتاردا ينفراقۇرىلىم جۇيەلەرىنىڭ قۇرىلىس بارىسىن ارالاپ كوردى. قالا اكىمى الدىمەن جاڭاتالاپ تۇرعىن الابىنا باردى.
بۇگىندە جاڭاتالاپ ەلدىمەكەندە ىشكى اۋىزسۋ جۇيەلەرىنىڭ قۇرىلىس-مونتاجداۋ جۇمىستارى اتقارىلۋدا. 89,6 شاقىرىم اۋىز سۋ قۇبىرىنىڭ 77,9 شاقىرىم جۇمىستارى ورىندالدى. مەردىگەر جوبانى 2021 جىلدىڭ 4 توقسانىندا اياقتاۋدى جوسپارلاپ وتىر.ال، ەلەكتر جەلىلەرىنىڭ جالپى ۇزىندىعى – 42,2 شاقىرىم. قۇرىلىس جۇمىستارىن 2022 جىلعى IV توقسانىندا اياقتاۋ جوسپاردا. سونداي-اق، قالا اكىمى شاعال تاس توسەۋ جۇمىستارىنىڭ بارىسىن باقىلادى. جاڭاتالاپ تۇرعىن الابىندا جالپى ۇزىندىعى 8,76 شاقىرىم 30 كوشەگە قيىرشىق تاس جولدار سالۋ جۇمىستارى جۇرگىزىلگەن. جالپى اباي اۋدانى بويىنشا شاعال تاس توسەۋ جۇمىستارى 100 % اياقتالعان. قويباعاروۆ كوشەسىندە 900 م جولعا ورتاشا جوندەۋ جۇمىستارى 100% اياقتالدى.
يگىلىك تۇرعىن الابىندا ەلەكتر جەلىلەرىنىڭ قۇرىلىسى جىل سوڭىنا دەيىن اياقتالادى
شىمكەنت قالاسىنىڭ اباي اۋدانى يگىلىك تۇرعىن الابىندا اۋىز سۋ جۇيەلەرىنىڭ قۇرىلىسى 2020 جىلى اياقتالعان بولاتىن. اۋىز سۋ قۇبىرىنىڭ ۇزىندىعى – 85,9 شاقىرىم. قالا اكىمى مۇرات ايتەنوۆ ەلدىمەكەندەگى ينجەنەرلىك-ينفراقۇرىلىم نىساندارى بويىنشا اتقارىلعان جۇمىستاردى پىسىقتادى. بۇگىندە قۇرىلىسى باستالعان ەلەكتر جەلىلەرىنىڭ جالپى ۇزىندىعى – 25,4 شاقىرىم. مەدىگەر مەكەمە قۇرىلىستى بيىل IV توقساندا اياقتاۋدى جوسپارلاپ وتىر. سونىمەن قاتار، تۇرعىن الاپتا 13,4 شاقىرىم 30 كوشەگە شاعال تاس توسەۋ جۇمىستارى ورىندالدى.
«تاۋەلسىزدىككە – 20 جىل» تۇرعىن الابىندا 39 كوشەگە شاعال تاس توسەلدى
شىمكەنت قالاسىنىڭ «تاۋەلسىزدىككە – 20 جىل» تۇرعىن الابىندا ەلەكتر نىساندارىنىڭ قۇرىلىسى قولعا الىنعان. ەلەكتر جەلىلەرىنىڭ جالپى ۇزىندىعى – 23,7 شاقىرىم. مەردىگەر قۇرىلىس-مونتاج جۇمىستارىن 2021 جىلدىڭ 4-ءشى توقسانىندا اياقتاپ، نىساندى پايدالانۋعا بەرمەك. تۇرعىن الاپتا اۋىز سۋ جۇيەسى قۇبىرىنىڭ ۇزىندىعى – 28,3 شاقىرىم. حالىقتى ساپالى اۋىز سۋمەن قامتۋ باعىتىنداعى قۇرىلىس جۇمىستارى وتكەن جىلى جەلتوقساندا اياقتالعان ەدى. بۇگىندە تۇرعىن الاپتا 39 كوشەگە قيىرشىق تاس توسەلىندى. كوشەلەردىڭ جالپى ۇزىندىعى 8,9 شاقىرىمدى قۇرايدى. شاعال تاس توسەۋ جۇمىستارى تولىعىمەن اياقتالعان.
ن.ءابدىراشيت
