شىمكەنت قالاسىنىڭ اكىمى مۇرات ايتەنوۆ قالاداعى بىرقاتار ءبىلىم بەرۋ نىساندارىنىڭ قۇرىلىس بارىسىن ارالاپ كوردى. شاhار باسشىسى الدىمەن «تۇران» شاعىناۋدانىنداعى 1200 ورىندىق مەكتەپتىڭ قۇرىلىس بارىسىمەن تانىسىپ، جۇمىس ساپاسىن باقىلادى. ودان كەيىن «سايرام»تۇرعىن الابىنداعى ءبىلىم وشاعىنىڭ قۇرىلىسىن كوردى.
قۇرىلىسقا جاۋاپتى باس مەردىگەر - «ارت-قۇرىلىس» جشس. قۇرىلىس جۇمىستارى 2019 جىلدىڭ قاراشا ايىندا باستالعان ەدى.مەردىگەر كومپانيا وكىلدەرى قۇرىلىستى بيىل تامىز ايىندا اياقتاپ، پايدالانۋعا بەرۋدى جوسپارلاپ وتىر.قالا اكىمى جاۋاپتى تۇلعالارعا جۇمىستى ساپالى ورىنداپ، مەجەلى مەرزىمدى تاپسىرۋدى مىندەتتەدى.
شىمكەنت قالاسىنىڭ «سايرام» تۇرعىن الابىندا 300 ورىندىق مەكتەپتىڭ قۇرىلىسى قارقىندى جۇرگىزىلۋدە. الەۋمەتتىك نىساننىڭ قۇرىلىسى وتكەن جىلى ناۋرىز ايىندا باستالعان. جاۋاپتى مەردىگەر مەكەمە - “جاڭا ارنا 2002” جشس. جوبانىڭ سمەتالىق قۇنى - 1 020 553,0 مىڭ تەڭگە.قۇرىلىستى جاڭا وقۋ جىلىنىڭ باستالۋىنا دەيىن اياقتاۋ جوسپارلانعان.سونىمەن قاتار، قالا اكىمى تۇرعىن الاپتاعى 120 ورىندىق قوسىمشا وقۋ كورپۋسى قۇرىلىسىنىڭ بارىسىن دا ارالادى .نىسان قۇرىلىسى “ا.ر.ت.-قۇرىلىس” جشس تاراپىنان جۇرگىزىلۋدە. مەردىگەر مەكەمە قۇرىلىستى بيىل تامىز ايىندا اياقتاۋدى جوسپارلاپ وتىر.
