Shymkent qalasynyń ákimi Murat Áıtenov qaladaǵy birqatar bilim berý nysandarynyń qurylys barysyn aralap kórdi. Shahar basshysy aldymen «Turan» shaǵynaýdanyndaǵy 1200 oryndyq mekteptiń qurylys barysymen tanysyp, jumys sapasyn baqylady. Odan keıin «Saıram»turǵyn alabyndaǵy bilim oshaǵynyń qurylysyn kórdi.
Qurylysqa jaýapty bas merdiger - «ART-qurylys» JShS. Qurylys jumystary 2019 jyldyń qarasha aıynda bastalǵan edi.Merdiger kompanııa ókilderi qurylysty bıyl tamyz aıynda aıaqtap, paıdalanýǵa berýdi josparlap otyr.Qala ákimi jaýapty tulǵalarǵa jumysty sapaly oryndap, mejeli merzimdi tapsyrýdy mindettedi.
Shymkent qalasynyń «Saıram» turǵyn alabynda 300 oryndyq mekteptiń qurylysy qarqyndy júrgizilýde. Áleýmettik nysannyń qurylysy ótken jyly naýryz aıynda bastalǵan. Jaýapty merdiger mekeme - “Jańa Arna 2002” JShS. Jobanyń smetalyq quny - 1 020 553,0 myń teńge.Qurylysty jańa oqý jylynyń bastalýyna deıin aıaqtaý josparlanǵan.Sonymen qatar, qala ákimi turǵyn alaptaǵy 120 oryndyq qosymsha oqý korpýsy qurylysynyń barysyn da aralady .Nysan qurylysy “A.R.T.-Qurylys” JShS tarapynan júrgizilýde. Merdiger mekeme qurylysty bıyl tamyz aıynda aıaqtaýdy josparlap otyr.
