شىمكەنت قالاسىنىڭ اكىمى مۇرات ايتەنوۆ ءبىلىم جانە عىلىم مينيسترلىگىنە قاراستى ۇيىم – شىمكەنت قالاسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ اتقارىپ وتىرعان جۇمىستارىمەن تانىستى.قالا باسشىسى ءبىلىم ساپاسىنىڭ جوعارى بولۋى ەڭ نەگىزگى مىندەت ەكەنىن اشىپ ايتتى. قالامىزدىڭ مەگاپوليس رەتىندە قالىپتاسۋى ءبىلىم كورسەتكىشتەرىمەن تىكەلەي بايلانىستى ەكەنىن ايتا وتىرىپ، وسى سالادا قىزمەت اتقاراتىن ۇيىمداردىڭ جۇمىس ناتيجەسى پەداگوگ كادرلاردىڭ كاسىبي تۇرعىدا بىلىكتى مامان بولىپ تانىلۋىمەن، وقۋشىلاردىڭ ءبىلىم دەڭگەيىنىڭ جوعارى بولۋىمەن ولشەنەدى دەپ اتاپ كورسەتتى.
دەپارتامەنت باسشىسى نۇرگۇل شامشيەۆا بەرگەن مالىمەتكە سايكەس، مەكەمە ءتورت نەگىزگى باعىت بويىنشا قىزمەت اتقارادى: ءبىلىم بەرۋ قىزمەتىنىڭ جوعارى ساپاسىن قامتاماسىز ەتۋ ماقساتىندا مەملەكەتتىك باقىلاۋ شارالارىن جۇرگىزۋ، پەداگوگتاردىڭ جانە بالالاردىڭ قۇقىقتارىن قورعاۋ، ءبىلىم بەرۋ قىزمەتىمەن اينالىسۋ ءۇشىن ليتسەنزيا جانە ليتسەنزياعا قوسىمشا بەرۋ، ءبىلىم بەرۋ ۇيىمدارىنان شىعاتىن رەسمي قۇجاتتارعا اپوستيل قويۋ.دەپارتامەنت قىزمەتى ءبىلىم بەرۋ ۇيىمدارىنا ادىستەمەلىك كومەك كورسەتۋ فۋنكتسياسىمەن تولىعىپ، باقىلاۋ جۇرگىزۋ مىندەتى 51 پارامەترلىك كورسەتكىشتەن 31 پارامەترگە دەيىن تومەندەگەن. جۇكتەلگەن مىندەتتەر شەڭبەرىندە بيىلعى جىلى قالالىق ءبىلىم باسقارماسىنا قاتىستى 22 ءبىلىم بەرۋ ۇيىمى پروفيلاكتيكالىق باقىلاۋمەن قامتىلعان. ولاردىڭ ناتيجەسىمەن انىقتالعان كەمشىلىكتەردى ءبىلىم بەرۋ ۇيىمدارىنىڭ جەتەكشىلەرىمەن كەلىسىلگەن مەرزىمدەرىندە جويۋ تۋرالى ۇيعارىمدار شىعارىلعان.
پەداگوگتاردىڭ جانە بالالاردىڭ قۇقىقتارىن قورعاۋ مىندەتىن ىسكە اسىرۋ بويىنشا دەپارتامەنت جانىنان ءبىلىم بەرۋ ۇيىمدارى پەداگوگتارىنىڭ قۇقىقتارىن قورعاۋ جانە پەداگوگتىك ادەپ جونىندەگى كەڭەسشى ورگان قۇرىلعان. كەڭەس مۇشەلەرى قالا اۋداندارىندا پەداگوگتارمەن ماقساتتى كەزدەسۋلەر وتكىزىپ، ءتۇسىندىرۋ جۇمىستارىن جۇرگىزگەن. ۇلتتىق بىلىكتىلىك تەستىلەۋ ەرەجەلەرىن بۇزعان پەداگوگتارمەن جەكە-دارا اڭگەمەلەسۋلەر جۇرگىزىپ، ءبىلىم بەرۋ ءىسىنىڭ ستاندارتتارى مەن تالاپتارىن تۇسىندىرگەن.بالالاردىڭ قۇقىقتارىن قورعاۋ مىندەتى بويىنشا ارنايى مونيتورينگتىك توپ قۇرىلىپ، جەتكىنشەكتەردىڭ قۇقىعىن قورعاۋ بويىنشا قوعامدىق باقىلاۋ جۇرگىزەدى. وسى باعىتتا دەپارتامەنتتە سەنىم تەلەفونى اشىلىپ، جاۋاپتى مامان بەكىتىلگەن. الەۋمەتتىك جەلىلەر كونتەنتىندە «بالا قورعاۋ» ايدارىمەن جەدەل كومەك بەرۋ چاتى ىسكە قوسىلىپ، وعان قالانىڭ مىڭنان اسا تۇرعىندارى قوسىلعان. دەپارتامەنتتىڭ اتقارىپ وتىرعان قىزمەتىمەن مۇقيات تانىسقان قالا اكىمى مۇرات ايتەنوۆ، ساپالى ءبىلىم ارقىلى سانالى ۇرپاق تاربيەلەنەتىنىنە نازار اۋدارىپ، ءبىلىم ساپاسىن ارتتىرۋدا ءبىلىم بەرۋ ۇيىمدارىنىڭ اراسىندا سانالى باسەكەلەستىكتى ورنىقتىرۋ كەرەكتىگىنە كوڭىل ءبولدى. شىمكەنت قالاسىندا بيىلدىڭ وزىندە جەكەمەنشىك 16 مەكتەپ ىسكە قوسىلاتىنىن اتاپ وتكەن قالا باسشىسى، وسى ساناتتاعى ءبىلىم بەرۋ ۇيىمدارىنداعى ءبىلىم ساپاسى تۇراقتى باقىلاۋعا الىنۋ كەرەكتىگىن اتاپ ءوتتى.
مۇعالىمدەردىڭ كاسىبي دايىندىعى جوعارى، وقۋشىلارى وقۋ وزاتى بولىپ تابىلاتىن مەكتەپتەردىڭ ۇلگىسىن بارلىق ءبىلىم بەرۋ ۇيىمدارى زەردەلەپ، جۇمىستارىن وسى باعىتتا جەتىلدىرۋگە تالپىندىرۋ كەرەكتىگىنە نازار اۋداردى. ءبىلىم سالاسىن جەتىلدىرۋدە دەپارتامەنتتىڭ اتقارىپ وتىرعان قىزمەتى ماڭىزدى ەكەنىن اتاپ، مەملەكەت باسشىسى جاريالاعان «حالىق ۇنىنە قۇلاق اساتىن مەملەكەت» قاعيداتى بويىنشا دەپارتامەنتتىڭ قىزمەتى جونىندە باق وكىلدەرى ءۇشىن تۇراقتى بريفينگتەر وتكىزىپ تۇرۋعا شاقىردى.ن.شامشيەۆا جۇمىس تيىمدىلىگىن ارتتىرۋدا قولداۋ كورسەتكەن قالا اكىمىنە العىسىن جەتكىزە وتىرىپ، مەكتەپتەر مەن بالاباقشالار سالۋعا جەكە ينۆەستيتسيا تارتۋ كورسەتكىشتەرى بويىنشا شىمكەنت رەسپۋبليكادا الدىڭعى قاتارعا شىققاندىعىن اتاپ ءوتتى. پەداگوگ كادرلاردى جۇمىسقا ورنالاستىرۋدا، مەكتەپ ديرەكتورلارىن روتاتسيالاۋدا مەيلىنشە جاريالىلىق قامتاماسىز ەتىلىپ جاتقاندىعىنا توقتالدى. شىمكەنت قالاسى ءبىلىم سالاسىنا قارجى ءبولۋ كورسەتكىشتەرى بويىنشا ەلىمىزدە الدىڭعى ورىندا تۇرعاندىعىنا نازار اۋدارىپ، پەداگوگتار مەن وقۋشىلار ارتىلعان ءۇمىتتى اقتايتىنىنا سەنىم ءبىلدىردى.
