شىمكەنتكە قر پارلامەنتى سەناتىنىڭ دەپۋتاتتارى نۇرلان بەكنازاروۆ پەن ايگۇل قاپپاروۆا ارنايى كەلدى. سەناتورلار ساپار بارىسىندا شىمكەنت قالالىق پد تىنىسىمەن تانىسىپ، مەگاپوليستەگى قۇرلىس الاڭدارىن ارالادى.
شىمكەنتتىڭ كوشەلەرىنە 3,5 مىڭ كامەرا قويىلايىن دەپ جاتىر. اكىمدىك قارجىلاندىرىپ جاتقان بۇل جوبا قالاداعى ءتارتىپتى شيراتا تۇسەدى. قازىردىڭ وزىندە 20 بەينە باقىلاۋ قوندىرعىلارى ورناتىلعان. جەدەل باسقارۋ ورتالىعى دا زاماناۋي تالاپتارعا كەلتىرىلىپ 57 قىزمەتكەر جۇمىس ىستەۋدە.
ەرالى جۇماحانبەتوۆ – شىمكەنت قالالىق پد باستىعى
سپلوشنوي پوكرىتيە دەپ جاتىرعوي سونداي جاساپ جاتىرمىز. سوسىن سەرگەكپەن كەلىسىپ جاتىرمىز.
مەگاپوليس پولەيتسەيلەرى 100 پايىز پلانشەت، بەينەرەگيستراتورمەن جابدىقتالعان. تەرگەۋشىلەر مەن انىقتاۋشىلار 100 پايىز جەكە كومپيۋتەرمەن قامتىلعان. پوليتسەيلەردىڭ مارتەبەسىن ارتتىرۋ ءۇشىن مەملەكەت تاراپىنان قولداۋ بار. وسى باعىتتا ىشكى ىستەر ورگاندارى تۋرالى زاڭدارعا، اكىمشىلىك پروتسەسۋالدىق كودەكسكە وزگەرتۋلەر ەنگىزىلىپ جاتىر. الەۋمەتتىك كەپىلدىك كادر ساپاسىن ارتتىرۋ بويىنشا سەناتتاعى شارۋالاردى نۇرلان بەكنازاروۆ باياندادى.
نۇرلان بەكنازاروۆ – قر پارلامەنتى سەناتىنىڭ دەپۋتاتى
سىزدەردىڭ مينيسترلىكتەرىڭىزبەن سەناتتا قىزۋ تالقىلاۋعا ءتۇسىپ. ءبىراز زاڭدى قابىلداپ ۇلگەردىك
حالىق قالاۋلىلارى قوناەۆ داڭعىلى مەن رىسقۇلوۆ كوشەسىنىڭ قيىلىسىنداعى جولايىرىق قۇرلىسىمەن تانىستى.1,5 ايعا جوسپارلانعان قۇرلىس كەزىندە بايتۇرسىنوۆ كوشەسىنىڭ رىسقۇلوۆ، ارعىنبەكوۆ كوشەلەرى اراسىنداعى بولىگى جەڭىل كولىكتەرگە ءبىر جاقتى جۇرۋگە عانا ارنالادى. قوعامدىق كولىكتەرگە شەكتەۋ جوق.بۇل شەكتەۋلەردىڭ بارلىعى رىسقۇلوۆ-قوناەۆ جولايرىعى قۇرلىسىن ەرتەرەك اياقتاۋعا باعىتتالعان. اۋقىمدى شارۋاعا سەناتورلار وڭ باعاسىن بەردى.
ەرجان جولداسوۆ – شىمكەنت قالالىق جولاۋشىلار كولىگى جانە اۆتوموبيل جولدارى باسقىرماسىنىڭ باسشىسى
قوناەۆتى اشۋ ءۇشىن ءبىز قازىر بالكىلەردى قويۋ جۇمىستارىن ىستەپ جاتىرمىز.
ايگۇل قاپپاروۆا - قر پارلامەنتى سەناتىنىڭ دەپۋتاتى
مىنا قۇرلىسشىلار ءوز ۋاقىتىندا اياقتايمىز دەپ وتىر.
قوس سەناتور وسى ساپارىندا شىمكەنت قالاسى ماسليحاتىنىڭ دەپۋتاتتارىمەن كەزدەسىپ، قالاداعى كولىك –لوگيستيكالىق ورتالىعىنىڭ تىنىسىمەندە تانىستى.
ك. دۇيسەنبى
