تاليبان راديكالدى قوزعالىسىنىڭ رەسمي وكىلى زابيۋللا مۋدجاحيد اۋعانستان وكىمەتىنىڭ جاڭا قۇرامى قۇرىلعانىن مالىمدەدى. بۇل جايىندا AjArabic ءوزىنىڭ Twitter-دە اقپارات تاراتتى.
بۇدان بىلاي اۋعانستاننىڭ پرەمەر-ءمينيسترى قىزمەتىن موحامماد حاسان احۋند اتقاراتىن بولدى.
ونىڭ ءبىرىنشى ورىنباسارى، تاليبان راديكالدى قوزعالىسىنىڭ يدەولوگيالىق تۇلعاسى ابدۋل-عاني بارادار بولىپ تاعايىندالدى.
ال، ەكىنشى ورىنباسارى ابدۋل-سالام حانافي بولىپ بەكىتىلدى.
اۋعانستان سىرتقى ىستەر ءمينيسترى بولىپ تالىپتەردىڭ جەتەكشىسىنىڭ ءبىرى بولعان امير-حان موتتاكي تاعايىندالدى.
قورعانىس ءمينيسترى بولىپ تاليبان قوزعالىسى باسشىسىنىڭ ورىنباسارى موحامماد ياكۋب تاعايىندالدى.
ىشكى ىستەر ءمينيسترى بولىپ «حاككاني» تارماعىنىڭ ليدەرى سارادجۋددين حاككاني تاعايىندالدى.
وسىلايشا، اۋعانستاننىڭ جاڭا وكىمەتىنىڭ قۇرامى بەكىتىلدى. تاليبان راديكالدى قوزعالىسىنىڭ وكىلدەرى ءبىراز ۋاقىت بۇرىن كابۋلدى باسىپ العاننان كەيىن، وزدەرىنىڭ وكىمەتىنىڭ قۇرامىن تانىستىراتىنىن مالىمدەگەن.
"ادىرنا" ۇلتتىق پورتالى
