Talıban radıkaldy qozǵalysynyń resmı ókili Zabıýlla Mýdjahıd Aýǵanstan ókimetiniń jańa quramy qurylǵanyn málimdedi. Bul jaıynda AjArabic óziniń Twitter-de aqparat taratty.
Budan bylaı Aýǵanstannyń premer-mınıstri qyzmetin Mohammad Hasan Ahýnd atqaratyn boldy.
Onyń birinshi orynbasary, Talıban radıkaldy qozǵalysynyń ıdeologııalyq tulǵasy Abdýl-Ǵanı Baradar bolyp taǵaıyndaldy.
Al, ekinshi orynbasary Abdýl-Salam Hanafı bolyp bekitildi.
Aýǵanstan Syrtqy ister mınıstri bolyp tálipterdiń jetekshisiniń biri bolǵan Amır-Han Mottakı taǵaıyndaldy.
Qorǵanys mınıstri bolyp Talıban qozǵalysy basshysynyń orynbasary Mohammad Iakýb taǵaıyndaldy.
Ishki ister mınıstri bolyp «Hakkanı» tarmaǵynyń lıderi Saradjýddın Hakkanı taǵaıyndaldy.
Osylaısha, Aýǵanstannyń jańa ókimetiniń quramy bekitildi. Talıban radıkaldy qozǵalysynyń ókilderi biraz ýaqyt buryn Kabýldy basyp alǵannan keıin, ózderiniń ókimetiniń quramyn tanystyratynyn málimdegen.
"Adyrna" ulttyq portaly
