جەمقورلىقپەن قوعام بولىپ كۇرەسەيىك!

326

بۇگىنگى قوعامنىڭ ەڭ نەگىزگى اۋرۋ تۇسى – جەمقورلىق. ول باتپانداپ كىرىپ، مىسقالداپ شىعاتىن اۋرۋ. مۇنى قازىردەن الدىن الىپ، ەم-شارا جاساماسا وتە قاتتى اسقىنسا، ەلدى بۇزىپ، قوعامدى ىرىتەتىن دەرت.

«ءبىزدىڭ ەلدى دامىتۋعا جانە حالىقتىڭ ءال-اۋقاتىن ارتتىرۋعا باعىتتالعان جوسپارلارىمىز جەمقورلىقتى تۇبەگەيلى جويعان جاعدايدا عانا جۇزەگە اسپاق»، – دەگەن ەدى پرەزيدەنتىمىز قاسىم-جومارت توقاەۆ. جىل سايىن حالىقتىڭ ءال-اۋقاتىن جاقسارتۋ ءۇشىن جۇزەگە اسىرىلىپ جاتقان جوبالارعا جۇمسالعان قىرۋار قارجىنىڭ تالان-تاراجعا سالىنباي ءوز ماقساتىنا جۇمسالۋى – ەلدى ورگە سۇيرەيتىن ءۇردىس. ال، جەمقورلىققا جول بەرىلگەن قوعامدا ادىلەتتىلىك بولمايدى.

قازىرگى تاڭدا، مەملەكەت جەمقورلىقپەن كۇرەستىڭ ءار ءتۇرلى ادىستەرىن قولدانىپ جاتىر. مەملەكەتتىك كورسەتىلەتىن قىزمەتتەردىڭ ەلەكتروندى جۇيەگە اۋىسۋى، مەملەكەتتىك قىزمەتكە ۇمىتكەرلەردىڭ بايقاۋىنا تاۋەلسىز باقىلاۋشىلاردىڭ قاتىسۋى، اۋىل اكىمدەرىن اشىق جاريالى تۇردە حالىق سايلايتىن قۇقىق بەرىلۋى ت.ب. جەمقورلىقپەن مەملەكەت ءبىر ءوزى كۇرەسە المايدى، ونىمەن قوعام بولىپ، ءبىر جاعادان باس، ءبىر جەڭنەن قول شىعارىپ، بىرىگە كۇرەسۋ كەرەكپىز. جەمقورلىقتان ارىلۋ ءۇشىن قوعامنىڭ ساناسى دا وزگەرۋى كەرەك. ءسال قيىندىق بولسا، ونى پارا بەرىپ شەشە بەرە المايتىنىن ءتۇسىنىپ، كەرىسىنشە ونداي جولدان ءوزىن اۋلاق ۇستاسا، پارا الۋشى دا بولماس ەدى. ءبىز، ارقايسىمىز، ماسەلەنى پارا بەرىپ شەشەمىز دەگەن سانامەن ءومىر سۇرە بەرەتىن بولساق، ءبىزدىڭ بالالارىمىزعا تەك اۋرۋ قوعامدى امانات ەتەمىز. سونىمەن قاتار، پارا بەرگەن ادام پارا العان اداممەن تەڭدەي جاۋاپقا تارتىلاتىنىن دا ۇمىتپايىق! جەمقور قوعامنىڭ بولاشاعى جوق! بولاشاعىمىزعا بالتا شاپپايىق!

 

پىكىرلەر
رەداكتسيا تاڭداۋى