Búgingi qoǵamnyń eń negizgi aýrý tusy – jemqorlyq. Ol batpandap kirip, mysqaldap shyǵatyn aýrý. Muny qazirden aldyn alyp, em-shara jasamasa óte qatty asqynsa, eldi buzyp, qoǵamdy iritetin dert.
«Bizdiń eldi damytýǵa jáne halyqtyń ál-aýqatyn arttyrýǵa baǵyttalǵan josparlarymyz jemqorlyqty túbegeıli joıǵan jaǵdaıda ǵana júzege aspaq», – degen edi prezıdentimiz Qasym-Jomart Toqaev. Jyl saıyn halyqtyń ál-aýqatyn jaqsartý úshin júzege asyrylyp jatqan jobalarǵa jumsalǵan qyrýar qarjynyń talan-tarajǵa salynbaı óz maqsatyna jumsalýy – eldi órge súıreıtin úrdis. Al, jemqorlyqqa jol berilgen qoǵamda ádilettilik bolmaıdy.
Qazirgi tańda, memleket jemqorlyqpen kúrestiń ár túrli ádisterin qoldanyp jatyr. Memlekettik kórsetiletin qyzmetterdiń elektrondy júıege aýysýy, memlekettik qyzmetke úmitkerlerdiń baıqaýyna táýelsiz baqylaýshylardyń qatysýy, aýyl ákimderin ashyq jarııaly túrde halyq saılaıtyn quqyq berilýi t.b. Jemqorlyqpen memleket bir ózi kúrese almaıdy, onymen qoǵam bolyp, bir jaǵadan bas, bir jeńnen qol shyǵaryp, birige kúresý kerekpiz. Jemqorlyqtan arylý úshin qoǵamnyń sanasy da ózgerýi kerek. Sál qıyndyq bolsa, ony para berip sheshe bere almaıtynyn túsinip, kerisinshe ondaı joldan ózin aýlaq ustasa, para alýshy da bolmas edi. Biz, árqaısymyz, máseleni para berip sheshemiz degen sanamen ómir súre beretin bolsaq, bizdiń balalarymyzǵa tek aýrý qoǵamdy amanat etemiz. Sonymen qatar, para bergen adam para alǵan adammen teńdeı jaýapqa tartylatynyn da umytpaıyq! Jemqor qoǵamnyń bolashaǵy joq! Bolashaǵymyzǵa balta shappaıyq!
