اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ توراعاسى ەرجان نۇكەجانوۆ ءدىن سالاسىنداعى زاڭدارعا سايكەس "دىنگە سەنبەيتىندەردىڭ قۇقىقتارى" دەگەن انىقتاما ەنگىزىلەتىنىن مالىمدەدى، دەپ حابارلايدى "ادىرنا" ۇلتتىق پورتالىنىڭ ءتىلشىسى.
- ءبىز ءدىندارلار مەن دىنگە سەنبەيتىندەردىڭ دە قۇقىقتارىن بىردەي قامتاماسىز ەتۋدى كوزدەيمىز. وسىعان بايلانىستى، ءبىز الەمدىك تاجىريبەگە سۇيەنە وتىرىپ، "دىنگە سەنبەيتىندەردىڭ قۇقىقتارى " دەگەن ۇعىمدى ەنگىزۋدى جوسپارلاپ وتىرمىز. مىسالى، قازىرگى ۋاقىتتا بىزدە دىنگە سەنۋشىلەردىڭ قۇقىقتارى بار، سول سياقتى ءبىز دىنگە سەنبەيتىندەردىڭ قۇقىقتارىن دا شەكتەمەۋىمىز ءتيىس. ءبىز – زايىرلى مەملەكەتپىز. دىنگە، كونفەسسياعا، ەتنيكالىق قاتىستىلىققا قاراماستان زاڭنىڭ ۇستەمدىگى بارىنەن جوعارى، – دەپ حابارلادى نۋكەجانوۆ وكق بريفينگىندە.سونداي-اق، ونىڭ ايتۋىنشا، ەلىمىزدە ءدىني احۋال تۇراقتى. الداعى ۋاقىتتا ءدىن سالاسىنداعى زاڭنامانى جەتىلدىرۋ بويىنشا تاعى بىرقاتار وزگەرىستەر بولادى دەپ جوسپارلانۋدا.
- ءبىزدىڭ كوميتەت ءدىن سالاسىنداعى زاڭنامانى جەتىلدىرۋ بويىنشا بىرقاتار جۇمىستى جالعاستىرىپ جاتىر. سونىڭ اياسىندا ءبىز ءدىني بىرلەستىكتەردى تىركەۋدى جانە ءدىني ءىس - شارالاردى وتكىزۋ ماسەلەلەرىن وڭايلاتۋدى كوزدەيتىن كەيبىر تۇزەتۋلەر ەنگىزۋدى جوسپارلاپ وتىرمىز، – دەيدى سپيكەر.ايتا كەتەيىك، 2019 جىلى قازاقستاندا دىنگە سەنبەيتىن ادامداردىڭ سانى بارلىق حالىقتىڭ 18%-ىن قۇراعان. ال 75%-ى وزدەرىن دىنگە سەنەتىندەردىڭ قاتارىنا جاتقىزدى. بىراق، كوبىسىنىڭ ءدىني ادەت-عۇرىپتى قاتتى ساقتامايتىنى، ءدىني بىرلەستىكتەرگە دە كوپ قاتىسا بەرمەيتىنى انىقتالعان ەدى.
"ادىرنا" ۇلتتىق پورتالى
ۇقساس جاڭالىقتار
