وزبەكستاننىڭ ءبىلىم جانە عىلىم مينيسترلىگى وقۋشى قىزداردىڭ مەكتەپكە تاقيا كيىپ، ورامال تاعىپ بارۋىنا رۇقسات بەردى، دەپ حابارلايدى «ادىرنا» ءتىلشىسى «Sputnik وزبەكستان»-عا سىلتەمە جاساپ.
ء"بىزدىڭ ۇلتتىق قۇندىلىقتارىمىزدى ەسكەرە وتىرىپ، قىزدارعا اق جانە اشىق ءتۇستى ۇلتتىق ورامالداردى تاعىپ، مەكتەپكە كەلۋلەرىنە جانە تاقيا كيۋلەرىنە رۇقسات ەتىلەدى", – دەلىنگەن ۆەدومستۆو حابارلاماسىندا.
حنو بۇل شەشىم اتا-انالاردىڭ كوپتەن كەلىپ تۇسكەن وتىنىشتەرىنە بايلانىستى قابىلدانعانىن اتاپ ءوتتى.
"ەرتەڭ ءبارى مەكتەپكە وسى فورمادا كەلۋى كەرەك دەپ ويلاماڭىز. ەگەر ستۋدەنت ەركىن فورمادا جۇرگىسى كەلسە، ونى ورامال تاعۋعا ماجبۇرلەمەڭىز", — دەپ تولىقتىردى ءبىلىم جانە عىلىم ءمينيسترى شەرزود شەرماتوۆ.
«ادىرنا» ۇلتتىق پورتالى