الماتى ماڭىنداعى تاۋ بوكتەرىندە ءورت شىققان دەپ حابارلايدى "ادىرنا" ۇلتتىق پورتالى الماتى قالالىق توتەنشە جاعدايلار دەپارتامەنتى ءباسپاسوز قىزمەتىنە سىلتەمە جاساپ.
دەپارتامەنتتىڭ مالىمەتىنشە، بۇگىن ساعات 16:05-تە مەدەۋ اۋدانىنداعى دۋمان شاعىن اۋدانى، امان بوكتەر كوشەسى 46-ءۇي ماڭىندا قۋراعان اعاشتار جانىپ، ءورت شىققانى انىقتالعان. ءورت ءسوندىرۋ بريگاداسى دەرەۋ وقيعا ورنىنا بارعان.
"وقيعا ورنىنا جەكە قۇرامنان 25 ادام، 5 تەحنيكا، تابيعي ءورتتى ءسوندىرۋ جونىندەگى جيىنتىق جاساق قوسىمشا جىبەرىلدى. سولتۇستىك جاعىنان ءورت وشاعىنىڭ جەكە سەكتورعا ءوتۋ قاۋپى تۋىندادى. ولاردى وقشاۋلاۋ ءۇشىن ءورت وقپاندارى بەرىلدى»، – دەدى تجد وكىلى.
ايتا كەتۋ كەرەك، ءورت بولعان جەر – وبلىس اۋماعى. بىراق دۋمان شاعىن اۋدانى تۇرعىندارىنان قوڭىراۋ كوپ تۇسۋىنە بايلانىستى قالالىق ءورت ءسوندىرۋ جاساقتارى جىبەرىلگەن.
الدىن الا مالىمەت بويىنشا، ءورتتىڭ ءبىرىنشى وشاعى 1 گەكتاردى، ەكىنشىسى - 1,5 گەكتاردى شارپىعان.
"ادىرنا" ۇلتتىق پورتالى.