Almatyda taý bókterinen órt shyqty

3692
Adyrna.kz Telegram

Almaty mańyndaǵy taý bókterinde órt shyqqan dep habarlaıdy  "Adyrna" ulttyq portaly Almaty qalalyq tótenshe jaǵdaılar departamenti baspasóz qyzmetine silteme jasap.

Departamenttiń málimetinshe, búgin saǵat 16:05-te Medeý aýdanyndaǵy Dýman shaǵyn aýdany, Aman Bókter kóshesi 46-úı mańynda qýraǵan aǵashtar janyp, órt shyqqany anyqtalǵan. Órt sóndirý brıgadasy dereý oqıǵa ornyna barǵan.

"Oqıǵa ornyna jeke quramnan 25 adam, 5 tehnıka, tabıǵı órtti sóndirý jónindegi jıyntyq jasaq qosymsha jiberildi. Soltústik jaǵynan órt oshaǵynyń jeke sektorǵa ótý qaýpi týyndady. Olardy oqshaýlaý úshin órt oqpandary berildi», – dedi TJD ókili.

Aıta ketý kerek, órt bolǵan jer – oblys aýmaǵy. Biraq Dýman shaǵyn aýdany turǵyndarynan qońyraý kóp túsýine baılanysty qalalyq órt sóndirý jasaqtary jiberilgen.

Aldyn ala málimet boıynsha, órttiń birinshi oshaǵy 1 gektardy, ekinshisi - 1,5 gektardy sharpyǵan.

 

"Adyrna" ulttyq portaly.

Pikirler