قىزىلوردالىق ءورت سوندىرۋشىلەر ەكى كىشكەنتاي بالا مەن ولاردىڭ اناسىن ورتەنىپ جاتقان پاتەردەن الىپ شىقتى، دەپ حابارلايدى "ادىرنا" ۇلتتىق پورتالى.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ حابارلاۋىنشا، وقيعا 12 قاڭتاردا بولعان. «ساعات 21:40-تا «112» قۇتقارۋ قىزمەتىنە وبلىس ورتالىعى، تاسبوگەت كەنتىندەگى ناۋرىز كوشەسىندەگى ەكى قاباتتى تۇرعىن ءۇيدىڭ ەكىنشى قاباتىنداعى پاتەردە ءورت شىققانى تۋرالى حابارلاما كەلىپ تۇسكەن. اس ۇيدە تۇرمىستىق زاتتار جانىپ، سونىڭ سالدارىنان كىرەبەرىس تولىعىمەن تۇتىندەگەن. ءورت سوندىرۋشىلەر پاتەردەن 2021 جانە 2023 جىلى تۋعان بالالاردى تاۋىپ، اناسىمەن بىرگە سىرتقا شىعارىپ، جەدەل مەديتسينالىق جاردەم بريگاداسىنا تاپسىردى»، - دەپ حابارلادى دەپارتامەنتتىڭ ءباسپاسوز قىزمەتى.
ءورت 21:58-دە تولىعىمەن ءسوندىرىلدى. ءورتتىڭ سەبەبى – ەلەكتر توعىنىڭ قىسقا تۇيىقتالۋى.
«ءورت سالدارىنان قازا تاپقاندار مەن زارداپ شەككەندەر جوق، ءورتتى سوندىرۋگە №4 ءورت ءسوندىرۋ بەكەتىنىڭ 23 قىزمەتكەرى، كەزەكشى ءورت ءسوندىرۋ قىزمەتى جانە ارنايى قىزمەت تەحنيكالارىن جۇمىلدىرىلدى»، - دەپ حابارلادى تجد.
"ادىرنا" ۇلتتىق پورتالى
