اتىراۋ قالاسىندا ەكى قاباتتى مانساردتى ءۇي ورتەنىپ كەتتى، دەپ حابارلايدى وبلىستىق توتەنشە جاعدايلار دەپارتامەنتى ءباسپاسوز قىزمەتى.
ديسپەتچەرلىك پۋلتكە بۇگىن ساعات 13:34-تە اتىراۋ قالاسىنىڭ جۇمىسكەر شاعىناۋدانىنداعى 380-د مەكەن-جايىندا ورنالاسقان تۇرعىن ۇيدەن ءتۇتىن شىعىپ جاتقانى تۋرالى حابار تۇسكەن.
«دەپارتامەنتتىڭ ءورت سوندىرۋشىلەرى ساعات 13:43-تە شاقىرتۋ ورنىنا جەتىپ، مانساردتى تۇرعىن ءۇي جانىپ جاتقانىن انىقتادى. ءورتتى سوندىرۋگە ارنايى قىزمەتتىڭ 15 قىزمەتكەرى مەن 3 تەحنيكاسى جۇمىلدىرىلدى. جالىن ساعات 13:59-دا وقشاۋلانىپ، ساعات 14:17-دە تولىق ءسوندىرىلدى. ورتەنگەن اۋماق كولەمى – 180 شارشى مەتر» دەپ حابارلادى دەپارتامەنتتىڭ ءباسپاسوز قىزمەتى.
