تالدىقورعاندا گاز-باللون جابدىعى بار اۆتوكولىك جارىلىپ، تۇرعىن ءۇيدى قيراتتى. بۇل تۋرالى وقيعا ورنىنان تۇسىرىلگەن ۆيدەو جەلىدە تارادى، دەپ حابارلايدى “ادىرنا” ۇلتتىق پورتالى.
"تۋىستارىمىزدىڭ كولىگى جارىلىپ كەتتى. ەندى جاقىندارىمىز قىستا باسپاناسىز قالدى. وتە قيىن جاعداي. ەندى ولارعا جوندەۋ جۇمىستارىن جاساپ، ءۇيدى قالپىنا كەلتىرۋ كەرەك", – دەيدى ۆيدەو اۆتورى.
جەتىسۋ وبلىسى توتەنشە جاعدايلار دەپارتامەنتىنىڭ مالىمەتىنشە، 4 ناۋرىزدا تالدىقورعاننىڭ ەركىن اۋىلىندا گاراجدا تۇرعان كولىكتىڭ گاز جابدىعى جارىلعان.
"حابارلاما 07:06-دا ءتۇستى، وقيعا ورنىنا دەرەۋ توتەنشە جاعدايلار دەپارتامەنتىنىڭ قۇتقارۋشىلارى جىبەرىلدى: 20 ادام، 6 تەحنيكا. كەيىن 50 شارشى مەترلىك شارۋاشىلىق قۇرىلىس نىساندارى جارتىلاي قيرادى. ءورت بولماعان", – دەپ مالىمدەدى توتەنشە جاعدايلار دەپارتامەنتى.
رەسمي دەرەكتەرگە سايكەس، ءبىر ادامنىڭ زارداپ شەككەن. ول اۋىر تۇراقتى جاعدايدا اۋرۋحاناعا جاتقىزىلدى. وقيعانىڭ ءمان-جايى انىقتالىپ جاتىر.
