الماتى وبلىسىنىڭ اكىمى قانات بوزىمباەۆ وبلىس قالاي بولىنەتىنىن ءتۇسىندىردى.بۇگىن تالدىقورعاندا الماتى وبلىستىق ءماسليحاتىنىڭ كەزەكتەن تىس XVI سەسسياسى ءوتتى. وبلىستىق ءماسليحات حاتشىسى جانبولات جورگەنباەۆتىڭ توراعالىعىمەن وتكەن وتىرىستىڭ كۇن تارتىبىنە ءتورت ماسەلە قارالعان. ونىڭ ىشىندە بۇگىندە وزەكتى بولىپ وتىرعان ماسەلە - جەتىسۋ وبلىسىن قۇرۋ ارقىلى الماتى وبلىسىن ءبولۋ. وسى ماسەلە بويىنشا وبلىس اكىمى قانات بوزىمباەۆ دەپۋتاتتار الدىندا ءسوز سويلەدى.
"الماتى وبلىسىنىڭ ورتالىعى تالدىقورعان جانە جەتىسۋ وبلىسىنىڭ ورتالىعى قوناەۆ قالاسى بولىپ ءبولىنۋى ەكى ءوڭىر دامۋىنا سەرپىن بەرەدى. قۇرىلايىن دەپ جاتقان جەتىسۋ وبلىسىنىڭ ايماعىنا 8 اۋدان، 2 قالا مەن 352 اۋىلدىق وكرۋگبولسا، الماتى وبلىسىنىڭ قۇرامىندا 9 اۋدان، 1 قالا مەن 380 اۋىلدىق وكرۋگبولادى. ءبىز پرەزيدەنتتىڭ اكىمشىلىك-اۋماقتىق قۇرىلىم تۋرالى جارلىعىن قابىلداۋ جونىندەگى ءىس-قيمىل الگوريتمىن دايىندادىق", - دەدى وبلىس اكىمى.
