تالدىقورعاندا قىزعا كەڭسە پىشاعىمەن شابۋىل جاساعان كۇدىكتى ۇستالدى (ۆيدەو)

1411
Adyrna.kz Telegram
فوتو: اشىق دەرەككوزدەن
فوتو: اشىق دەرەككوزدەن

تالدىقورعان پوليتسەيلەرى قىزعا كەڭسە پىشاعىمەن شابۋىل جاساعان كۇدىكتىنى ۇستادى، دەپ حابارلايدى «ادىرنا» ءتىلشىسى.

28 جاستاعى ادينا حۋانبەكقىزى ءوزىنىڭ بۇرىنعى جىگىتىنەن ءزابىر كورگەن.

«ماعان تاپ بەرىپ، مويىن تۇسىمدى پىشاقتادى. جەدەل جاردەم كەلىپ، العاشقى مەديتسينالىق كومەك كورسەتتى. سودان كەيىن قالاداعى كوپسالالى اۋرۋحاناعا اپاردى»،—دەدى جابىرلەنۋشى.

35 جاستاعى كۇدىكتى قازىرگى ۋاقىتتا پوليتسياعا جەتكىزىلدى.

«تەرگەۋشى ءىستى قىلمىستىق كودەكستىڭ 24-بابىنىڭ 3-بولىگى، 99-بابىنىڭ 2-بولىگى (ادام ولتىرۋگە وقتالۋ) بويىنشا قايتا دارەجەلەپ، پروكۋرورمەن كەلىسىلدى. تەرگەۋدى وبلىستىق پوليتسيا دەپارتامەنتى ەرەكشە باقىلاۋعا الدى»،—دەپ ءتۇسىندىردى قالالىق پوليتسيا دەپارتامەنتى.

<

پىكىرلەر