اۋعانستاندا حيدجاب كيگەن ايەلدەر ءبىلىم الىپ جۇمىس ىستەي الادى، دەپ حابارلايدى "ادىرنا" ۇلتتىق پورتالى ريا نوۆوستيگە سىلتەمە جاساپ.
بۇل تۋرالى تاليبان قوزعالىسىنىڭ وكىلى سۋحەيل شاحين Fox News تەلەارناسىنا بەرگەن سۇحباتىندا ايتتى.
"ايەلدەردىڭ قۇقىقتارى ساقتالاتىن بولادى. ولاردىڭ ءبىلىم الۋىنا نەمەسە جۇمىسقا ورنالاسۋىنا ەشقانداي قيىندىق بولمايدى. بىراق ءبىز (اۋعانستان مەن اقش) ءبىر-ءبىرىمىزدىڭ مادەنيەتىمىزدى وزگەرتۋگە تىرىسپاۋىمىز كەرەك. ءسىزدىڭ حيدجابسىز ايەلدەردىڭ ءبىلىم الۋعا مۇمكىندىگى بولۋى كەرەك دەگەن ءسوزىڭىز - بۇل مادەنيەتتى وزگەرتۋ ارەكەتى. بۇل سىزگە رۇقسات ەتىلگەن. ءبىزدىڭ مادەنيەتىمىزدە ولار (ايەلدەر) ءبىلىم الا الادى، جۇمىس ىستەيدى، حيدجاب كيەدى", - دەدى شاحين تەلەارنانىڭ ەفيرىندە.
1 قىركۇيەكتە كاتار استاناسى دوحا -شيراداعى «تاليبان» قوزعالىسىنىڭ وكىلى موحامماد ابباس ستانيكزاي ايەلدەردىڭ ۇكىمەتتە مينيسترلىك لاۋازىمنان تومەن لاۋازىمداردا جۇمىس ىستەۋگە رۇقسات ەتىلەتىنىن حابارلادى. ونىڭ ايتۋىنشا، مۇنداي مۇمكىندىككە تەك اقش -پەن ىنتىماقتاستىق جاساماعان ايەلدەر عانا يە بولادى.
"ادىرنا" ۇلتتىق پورتالى
