Aýǵanstanda hıdjab kıgen áıelder bilim alyp jumys isteı alady, dep habarlaıdy "Adyrna" ulttyq portaly RIA Novostıge silteme jasap.
Bul týraly Talıban qozǵalysynyń ókili Sýheıl Shahın Fox News telearnasyna bergen suhbatynda aıtty.
"Áıelderdiń quqyqtary saqtalatyn bolady. Olardyń bilim alýyna nemese jumysqa ornalasýyna eshqandaı qıyndyq bolmaıdy. Biraq biz (Aýǵanstan men AQSh) bir-birimizdiń mádenıetimizdi ózgertýge tyryspaýymyz kerek. Sizdiń hıdjabsyz áıelderdiń bilim alýǵa múmkindigi bolýy kerek degen sózińiz - bul mádenıetti ózgertý áreketi. Bul sizge ruqsat etilgen. Bizdiń mádenıetimizde olar (áıelder) bilim ala alady, jumys isteıdi, hıdjab kıedi", - dedi Shahın telearnanyń efırinde.
1 qyrkúıekte Katar astanasy Doha -Shıradaǵy «Talıban» qozǵalysynyń ókili Mohammad Abbas Stanıkzaı áıelderdiń úkimette mınıstrlik laýazymnan tómen laýazymdarda jumys isteýge ruqsat etiletinin habarlady. Onyń aıtýynsha, mundaı múmkindikke tek AQSh -pen yntymaqtastyq jasamaǵan áıelder ǵana ıe bolady.
"Adyrna" ulttyq portaly
