جاقىنداعى تاياۋ شىعىستا بولعان پالەستينا - يزرايل جانجالى كەزىندە رەجەپ تايىپ ەردوعاننىڭ قۇلاق تۇندىرعان ءۇنى كوككە ۇشىپ جاڭعىرىپ كەتكەن سوڭ، كۇللى الەم رەسمي انكارانىڭ بۇگىنگى يسلام الەمىنىڭ جوقتاۋشىسى ەكەنىن تۇسىنگەندەي بولدى.
ونى ۆاشينگتون دا مويىندادى.
امەريكانىڭ اۋعانستانداعى اسكەري بازالارىن قازىر تۇرىكتەر الماستىرىپ جاتىر. قىسقاسى بايدەن مەن ەردوعان ءتىل تابىستى.
بايدەن تۇركياسىز بۇل ايماقتا ەشتەڭە ىستەي المايتىنىن اڭعارعانداي بولدى.
ۋكراينا قازىر انكارانى باستى وداقتاسى رەتىندە قاراستىرىپ جاتىر. ولار دا بۇلتالاقتاعان ەۋروپادان شارشاعان بولۋى كەرەك. ء"ى- ءىى، بىلاي عوي.... بىزدە قىرىمدا، سىزدەردىڭ باۋىرلارىڭىز قىرىم تاتارلارى بار ەدى"...
گرۋزيا دا انكاراعا ۇمتىلدى. ەكى ەلدىڭ سىرتقى ىستەر جونىندەگى مينيستىرلەرى كەزدەسىپ ورتاق ماسەلەلەر تالقىلاپ ۇلگەردى. رەسمي تبيليسي دە ايماققا جاڭا دەرزكي ويىنشى كىرىپ جاتقانىن كەرەمەت ءتۇسىندى.
ەردوعان وتكەندە شۋشاعا كەلدى. كەلدى دە ءىس جۇزىندە ءازىربايجاندى ناتو عا قوسقانداي بولدى.
"سەندەر ءۇشىن تۇرىپ بەرەمىن، بىرەۋ تيسە قالسا بىرىگە سوعىسامىز، ءسىزدىڭ دۇشپان - ءبىزدىڭ دۇشپان". بولدى.
ەندى مىنانى قارايىق:
بۇدان ءتورت جىل بۇرىن پۋتين ليۆيا، سيريا دەگەن ەلدەردە ىلاڭ سالىپ جۇرگەندى.
بۇل بۇرىڭعى وسمان يمپەرياسىنىڭ ايماعى بولاتىن، ياعني بۇل ەلدەر تۇركيانىڭ مۇددەلى ايماقتارىنىڭ ءبىرى ەدى.
قازىر تۇركيا ول ايماقتارداعى ءوز مۇددەسىن باتىل قورعاي وتىرىپ، دالىرەك ايتساق، ونداعى جانجال وشاقتارىن تۇنشىقتىرىپ، ودان سوڭ رەسەي ىقپال ەتەتىن ايماقتارعا جارىپ كىردى دەسە دە بولادى.
وتكەندە تۇرىك اسكەريلەرى وزبەكستان اسكەرىمەن بىرگە اسكەري جاتتىعۋ وتكىزدى.
ەردوعان قازىر ءازىربايجاننان باتىل تۇردە اسكەري بازا سۇراپ وتىر. ونداعى اليەۆتىڭ قولىمەن كاۆكازعا ءبىرجولا ورنىقپاقشى.
ەردوعان ۋكراينامەن قورعانىس سالاسىندا ىنتىماقتاسىپ وتىر.
ال رەسەي قازىر تەك قورعانىسقا كوشتى دەسە دە بولادى. السىزدەۋ ءۇن قاتىپ قويادى...
مەنىڭشە، جاڭا گەوساياسي ويىندار قىزىپ، ءبىر تولقىن قارقىن الىپ كەلە جاتقان سياقتى.
ارتىن اڭدالىق، بايقالىق...
"ادىرنا" ۇلتتىق پورتالى
